| e-texts navigator |
| བོད་ཡིག |
320a1 khrus kyi cho ga dag par bya/ /dri zhim byug pas lus la byugs/ /rdzas kyi chu dang rdzas sbyar bas/ /nang yang dag pa'i khrus bya'o/ /de nas byang chub sems bskyed de/ /mi dmigs don la sems sbyar phyir/ /skye med byang chub sems kyi
320a2 don/ /rgya cher rab tu bshad par bya/ /snang srid phyag rgya'i dkyil 'khor du/ /lhun gyis grub par yid ches bya/ /de nas bskul bar bya ba'i phyir/ /gsang ba'i brda yis bsre bar bya/ /sa ma ya ho zhes brjod na/ /sa ma ya s+t+wa~M zhes pas bsre/ /rA ga yA mi
320a3 zhes brjod na/ /ra ho ha~M zhes kyang ni bya/ /ti pa su ke zhes brjod na/ /gan de tsi ta zhes pas mtshon/ /a ti pu ho zhes brjod na/ /pra ti pu ho zhes pas mtshon/ /g.yas pa smin ma bskyod na ni/ /g.yon pa'i smin mas de bzhin mtshon/ /de bzhin
320a4 brda sna tshogs pas bsre/ /de nas bskul bar bya ba ni/ /shes rab nyi ma'i 'od zer gyis/ /thabs mchog zla ba'i 'od zer la/ /bskul ba'i cho ga 'di skad do/ /mi g.yo mchog gi rgyal po dgongs su gsol/ /rnam par rtog bral shin tu dri med sku/ /
320a5 'od zer zla rgyas 'dra ba'i mdangs ldan zhal/ /dgyes pa'i rol pa'i don la gshegs su gsol/ /thabs mchog zla ba'i 'od zer gyis/ /shes rab nyi ma'i 'od zer la/ /bskul ba'i cho ga 'di skad do/ /'byor ldan yid 'ong rgyal ba rgya mtsho'i dbyings/ /
320a6 shes rab zab mo rnam dag pad+ma'i mdangs/ /rdzu 'phrul thabs la mkhas pa'i spyod mchog ma/ /'byor ldan yid 'ong cho 'phrul sna tshogs ston/ /ho/ nyi ma'i 'od zer gyis bskul ba/ /e ma'o pad+ma 'bar ba'i ze'u 'bru 'di/ /'dzum pa'i mdangs kyis
320a7 'bul lags na/ /dgyes pa'i rdo rje rab gsor nas/ /byang chub sems sprin dbab tu gsol/ /zla ba'i 'od zer gyis bskul ba/ /e ma'o/ 'od zer dga' ste yid 'ong ma/ /sems 'phreng gdungs pa'i shes rab gzungs/ /ga'u 'khril pa'i pad+ma la/ /rdo rje
iiif viewer powered by OpenSeadragon
Texts on this page
D830 - de bzhin gshegs pa thams cad kyi gsang ba gsang ba'i mdzod chen po mi zad pa gter gyi sgron ma brtul zhugs chen po bsgrub pa'i rgyud ye shes rngam pa glog gi 'khor lo zhes bya ba theg pa chen po'i mdo