rKTs

e-texts navigator

Volume

Page

300a₁ bshad par bya yis skal ba dang ldan pa rnams gsang sngags kyi don zab mo mi thos par dka' na thos nas de'i don la gnas par dka' ste phal gyi thun mong du ma gyur pa'o/ /'phags pa rgyud kyi rgyal po ye shes rngam pa klog gi 'khor lo'i
300a₂ mdo zhes bya ba las sngags kyi mdo bstan pa'i le'u ste gsum pa'o/ / //de nas bcom ldan 'das gsang ba mchog gi bdag po de snying po byang chub la nges par 'grel pa zhes bya ba'i ting nge 'dzin la snyoms par zhugs so/ /zhugs nas yang 'dus
300a₃ pa'i 'khor tshogs la bka' stsal to/ /rigs kyi bu rnams chos thams cad ni byang chub sems su 'dus shing byang chub kyi sems nyid snang ba shes par gyis shig /de ci'i phyir zhe na/ chos thams cad ni lus dang ngag dang sems su 'dus la/ lus dang ngag
300a₄ dang sems nyid chos thams cad kyi rnam par snang ngo / /'dus pa'i 'khor tshogs rnams kyis gsol pa/ lus dang ngag dang sems bdag cag rnams kyis ji ltar blta bar bgyi/ gsang ba mchog gi bdag pos bka' stsal pa/ rigs kyi bu rnams lus dang
300a₅ ngag dang sems kyi mtshan nyid ni sems kyang lus dang ngag gi rnam pa lta bu/ ngag kyang lus dang sems kyi rnam pa lta bu/ lus kyang tshig tu brjod pa dang sems kyi rnam pa lta bur rang rang gi lus dang ngag dang sems rtogs shig /'on tang byang chub tu sems
300a₆ bskyed par 'gyur ro/ /de nas yang gsang ba mchog gi bdag po des stong pa nyid kyi ting nge 'dzin zhes bya ba la snyoms par zhugs nas byang chub kyi sems 'di gsungs so/ /e ma'o dngos po thams cad dang bral ba/ /phung po khams dang skye mched dang / /gzung
300a₇ dang 'dzin pa rnam par spangs/ /chos bdag med pa mnyam nyid pas/ /rang sems gdod nas ma skyes pa/ /stong pa nyid kyi rang bzhin no/ /zhes gsungs so/ /de nas yang chos kyi dbyings rnam par dag pa zhes bya ba'i ting nge 'dzin la snyoms par zhugs nas

_{iiif viewer powered by OpenSeadragon}

299b - 300b

Texts on this page