rKTs

e-texts navigator

Volume

Page

290b₁ @##/ /rgya gar skad du/ sarba ta thA ga tagu h+ya ma hA gup+ta ko Sha ak+Sha ya ni d+hi dI pa ma hA pra ta sA d+ha na tan+t+ra dz+nyA nA sh+tsar+ya d+yu ti tsakra na ma ma hA yA na sU tra/ bod skad du/ de bzhin gshegs pa thams cad kyi gsang ba/ gsang ba'i mdzod chen po mi zad pa
290b₂ gter gyi sgron ma/ brtul zhugs chen po bsgrub pa'i rgyud/ ye shes rngam pa glog gi 'khor lo zhes bya ba theg pa chen po'i mdo/ /bcom ldan 'das dpal ye shes rngam pa'i rgyal po la phyag 'tshal lo/ /'di skad bdag gis thos pa dus gcig na/ bcom ldan
290b₃ 'das gsang ba mchog gi bdag po dpal kun du bzang po chen po ye shes rngam pa'i rgyal po zhes bya ba phyogs bcu dang dus bzhes bsdus pa'i bde bar gshegs pa rnal 'byor gyi dbang phyug chen po rnams kyi sku gsung thugs rdo rje mi phyed pa'i bdag nyid chen po/ gsang
290b₄ ba mchog gi dgyes pa na/ lhun gyis grub pa'i longs spyod chen po/ chos ma lus mi lus lus pa med pa thams cad kyi rang bzhin chen po/ ngo mtshar rmad du byung ba'i cho 'phrul chen po'i bdag nyid de 'og min gyi gnas mtha' dang dbus brjod du med pa na rang bzhin
290b₅ lhun gyis grub pa'i gsang ba mchog gi dkyil 'khor gsang ba yum gyi mkha' rnam par dag pa'i gzhal yas khang na gcig dang du ma dang bral ba'i phyir rgya phyogs bcur yongs su ma chad pa/ chos thams cad gnyis su med pa'i dbyings su thim pa'i 'od zer gsal
290b₆ ba/ spros pa med pa'i tshul gyis pho brang gi snying po zlum por gyur pa/ dbyings dang ye shes rgyu dang 'bras bur ldan pa'i 'khor lo rtsibs dang ldan pa/ thams cad mkhyen pa'i ye shes rang snang ba'i thabs las byung ba'i mu khyud kyis bskor ba/ bsod nams dang ye shes
290b₇ kyi tshogs thugs rje rgyas pa'i phyir gru bzhir gsal ba/ rnam par thar pa'i sgo nas 'jug pa'i sgo bzhi na rnam par thar pa brgyad kyi lam stegs su shar ba/ phyi dang nang med par lhun gyis grub pa'i gzhal yas khang de na nyi ma dang zla ba rangs pa dang phyed kyis 'od gsal

_{iiif viewer powered by OpenSeadragon}

290a - 291a

Texts on this page