| e-texts navigator |
| བོད་ཡིག |
224a1 tshim bya me dag la/ /dngos grub 'dod pa dag gis ni/ /rtag par rgyun du sbyor bar bya/ /lha yi sku yi gnas de la/ /dang po kho nar mchod nas ni/ /rnal 'byor gnas bcas shes rab can/ /bde gshegs mdun du bsams nas ni/ /phyi nas
224a2 yan lag rnam grol ba'i/ /mi 'byed 'byed pa'i rnam par spangs/ /phra ma mi g.yo gsal ba ste/ /blo yi spyod pa mdun na gnas/ /bdag nyid 'di 'drar bzhag nas ni/ /sngags kyi rnam par shes pas bsgom/ /bsdams nas ting nge 'dzin la gnas/ /srog dang
224a3 rtsol ba rab tu bsdams/ /sgra dang sems dang gzhi la gzhol/ /gsang sngags mi 'gyur gzhi la gnas/ /yan lag ma nyams gsang sngags bzlas/ /ngal na bdag la ngal so shig /mi 'gyur ba ni yi ger ldan/ /gzhi las gzhir 'gyur de bzhin te/ /
224a4 rang sngags phyir ni gang brtags pa/ /yid kyi dag pa bsam par bya/ /slar sdud pa yis bkug nas ni/ /srog dang rtsol ba bsdams pa'i yid/ /gsang sngags rig pas sngags la sbyar/ /yid kyi bzlas brjod brtsam par bya/ /'di nyid kyis ni cho ga yis/ /yang
224a5 na shu bur bya yang rung / /sngags rig dngos grub 'dod pa yis/ /bzlas brjod gzhan du mi bya'o/ /rig sngags de nyid ma lus dang / /bdag gi de nyid cho ga dang / /bzlas brjod de nyid mchog shes dang / /mis ni dngos grub thob par 'gyur/ /dben pa'i skyed mos
224a6 tshal dang ngogs/ /phug dang ri bor nags tshal du/ /brtul zhugs gnas sam sdom pa yis/ /sngags pa bsam gtan byed cing gnas/ /gsang sngags me gnas dngos grub ste/ /sgra gnas rnal 'byor ster bar dran/ /sgra mthar thar ba ster ba nyid/ /'di dag de nyid
224a7 gsum po yin/ /mi 'byed las byung dngos po rnams/ /blo can gyis ni bdag la bsdam/ /sngags pa yan lag 'das la gnas/ /zhen pa med par bsam par bya/ /sgra zhes bya ba phreng bar sbyar/ /yi ge brgyus la mi 'gyur rnams/ /dril bu'i sgra bzhin ma chad
iiif viewer powered by OpenSeadragon
Texts on this page
D808 - bsam gtan gyi phyi ma rim par phye ba