rKTs

e-texts navigator

Volume

Page

18b₁ de bzhin gshegs pa thams cad sras su 'du shes bskyed do/ /'khor de nyid du 'chi ba'i dus byas nas mya ngan las 'das pa'i lam la 'jog par mdzad do/ /lag na rdo rjes gsol pa/ sangs rgyas 'khor ba bgrod dkar sems can gyi/ /srid pa'i phur ba 'byin cing shes
18b₂ rab kyis/ /srid phur sems klung 'joms shing thub pa yi/ /chos bstan pas ni sdig 'joms chos legs spyod/ /bcom ldan 'das kyis bka' stsal pa/ lag na rdo rjes legs par rab tu bshad pa legs so legs so/ /lag na rdo rjes gsol pa/ su mdo sde
18b₃ 'di 'chang ba dang / klog pa dang / gzhan dag la yang rgya cher yang dag par rab tu ston pas bsod nams kyi phung po ci zhig 'thob par 'gyur/ bcom ldan 'das kyis bka' stsal pa/ rigs kyi bu su mdo sde 'di 'chang ba dang / klog pa dang / gzhan dag la
18b₄ yang rgya cher yang dag par rab tu ston pa ni ting nge 'dzin bye ba 'thob par 'gyur ro/ /sangs rgyas dang / byang chub sems dpa' 'khor dang bcas pa bye ba mthong bar 'gyur ro/ /de bzhin gshegs pa dgra bcom pa yang dag par rdzogs pa'i sangs rgyas bye ba khrag
18b₅ khrig brgya stong phrag mang po mthong nas/ bsam pa rgya chen pos bsti stang byed par 'gyur ro/ /bla mar byed par 'gyur ro/ /rim gror byed par 'gyur ro/ /mchod par byed par 'gyur ro/ /chos gos dang / bsod snyoms dang / mal cha dang / na ba'i gsos sman
18b₆ dang / yo byad rnams kyang 'bul lo/ /byang chub sems dpa' la yang bde bar sbyar ba sgrub bo/ /dge 'dun gyi tshogs la yang rim gro byed par 'gyur ro/ /dge ba'i rtsa ba de dag kyang bla na med pa yang dag par rdzogs pa'i byang chub tu yongs su sngo bar byed do/ /
18b₇ de bzhin gshegs pa dgra bcom pa yang dag par rdzogs pa'i sangs rgyas de dag la bsnyen bkur byed par 'gyur ro/ /de dag gis chos bstan pa de la yang bsti stang du byas te nyan to/ /'dzin to/ /klog go/ /byang chub sems dpa' lag na rdo rje ji lta ba dang /

_{iiif viewer powered by OpenSeadragon}

18a - 19a

Texts on this page