| e-texts navigator |
| བོད་ཡིག |
16a1 gshegs pa thams cad kyi chos kyi sprin ces bya bar yang zung shig / sdig pa thams cad byang bar byed pa'i gzungs sngags zhes bya bar yang zung shig /rig sngags 'chang thams cad grub pa'i rgyal po zhes bya bar yang zung shig /shes rab kyi pha rol tu
16a2 phyin pa zhes bya bar yang zung shig / chos kyi dbyings de bzhin gshegs pa thams cad kyi sngon du 'gro ba zhes bya bar yang zung shig /rig sngags kyi rgyal po stobs po che zhes bya bar yang zung shig /gsang ba pa'i bdag po lag na rdo rje su mdo sde 'di 'dzin pa dang / 'chang
16a3 ba dang / klog pa dang / yi ger 'drir 'jug pa dang / bsti stang du byed pa dang / bla mar byed pa dang / ri mor byed pa dang / mchod par byed pa de/ 'das pa dang / ma 'ongs pa dang / da ltar byung ba'i sangs rgyas dang / byang chub sems dpa' rnams la mchod pa
16a4 byas par 'gyur ro/ /'das pa dang / ma 'ongs pa dang / da ltar byung ba rnams kyi mchod rten sku gdung dang bcas pa la mchod pa byas par 'gyur ro/ /lag na rdo rjes gsol pa/ bcom ldan 'das legs so legs so/ /shin tu zab pa'i chos bstan pa dang / cho
16a5 'phrul gyi yon tan gyi rgyan gyi chos bstan pa gzung bar bgyi'o/ /bcom ldan 'das kyis bka' stsal pa/ lag na rdo rje rigs kyi bu'am rigs kyi bu mo gang mdo sde 'di 'chang ba de la sdang ba'i sems can rnams chu 'gram gyi shing ltar ma rungs par 'gyur ro/ /spos
16a6 dang / me tog dang / bdug pa dang / rgyal mtshan dang / ba dan sna tshogs la sogs pas mchod pa byas na bsod nams kyi phung po dpag tu med pa dang ldan par 'gyur ro/ /de la bar chad mi 'byung bar 'gyur ro/ /mdo sde 'di gnas gang yang rung ba na 'chang na lha
16a7 dang mir bcas pas mchod pa byed par 'gyur ro/ /rig sngags kyi rgyal po stobs po che/ bgegs dang / rnam par log 'dren thams cad 'ching ba yid la byed na sangs rgyas brgyad stong dang / byang chub sems dpa' sems dpa' chen po rnams dang / drang srong chen
iiif viewer powered by OpenSeadragon
Texts on this page
D757 - 'phags pa stobs po che zhes bya ba theg pa chen po'i mdo