| e-texts navigator |
| བོད་ཡིག |
15a1 zhes bya ba ni chos kyi tshul lo/ /stobs po che zhes bya ba ni theg pa chen po'o/ /stobs po che zhes bya ba ni lag na rdo rje'o/ /de nas bdud sdig can gyis smras pa/ gsang ba pa'i bdag po lag na rdo rje legs so legs so/ /skyabs su mchi'o/ /sangs
15a2 rgyas dang / chos dang / dge 'dun la skyabs su mchi'o/ /bcom ldan 'das legs so legs so/ /dge bsnyen gyi yan lag gzung bar bgyi'o/ /bde dang thar dang mtho ris dang / /mkhas pa dag dang sems can ni/ /dam pa kun la phan pa'i phyir/ /stobs po
15a3 che ni gzung bar bgyi/ /de nas bdud sdig can chos la dga' zhing yid bde ba dang rangs par gzigs nas/ bcom ldan 'das kyis 'di skad ces bka' stsal to/ /rig sngags kyi rgyal po stobs po che'i mdo sde 'di ni sems can dmyal ba dang / dud 'gro
15a4 dang / dang / gshin rje'i 'jig rten gyi sdug bsngal las thar bar byed pa'o/ /de bskal pa stong phrag nyi shur lha'i rgyal po byed par 'gyur ro/ /bskal pa mtha' yas par gling bzhi la dbang ba'i 'khor los sgyur bar 'gyur ro/ /bla na med pa yang dag
15a5 par rdzogs pa'i byang chub la 'jog par byed do/ /rig sngags kyi rgyal po stobs po che'i snying po 'di ni gtsang sbra can nam/ gtsang sbra med pa'am/ smyung bar byas pa'am/ smyung bar ma byas pa'am/ 'khrig pa'i chos la sten pa la'ang 'grub par byed do/ /de la
15a6 bar chad du mi 'gyur ro/ /de nas rab 'byor 'khor de nyid na 'dug par gyur pas bcom ldan 'das rig sngags kyi rgyal po stobs po che ji ltar gzung bar bgyi/ dam pa ni ci zhig stsol ces gsol ba dang / bcom ldan 'das kyis bka' stsal pa/ lag na rdo rje la dri ba dris
15a7 shig / rab 'byor gyis smras pa/ lag na rdo rje rig sngags kyi rgyal po stobs po che ji ltar gzung bar bgyi/ dam pa ni ci zhig sbyin par byed/ lag na rdo rjes smras pa/ 'bru sbyin par byed do/ /gos sbyin par byed do/ /dngul sbyin par byed do/ /gser sbyin par
iiif viewer powered by OpenSeadragon
Texts on this page
D757 - 'phags pa stobs po che zhes bya ba theg pa chen po'i mdo