| e-texts navigator |
| བོད་ཡིག |
14b1 'di dus gsum du 'chang ngam/ klog gam/ yid la byed dam/ rjes su dran par byed na dbul ba'i sdug bsngal thams cad las thar bar 'gyur ro/ /lo nyes pa byung ba'i tshe/ stobs po che lan bdun bklags na/ sprin chen po las char 'bab bo/ /gal te char mi 'bab
14b2 na sprin gyi lha rnams kyi srog skam par 'gyur ro/ /klu'i rgyal po nag po dang / klu'i rgyal po 'khor lo dang / klu'i rgyal po mtha' yas la sogs pa klu'i rgyal po rnams kyis sprin chen po las char 'bebs so/ /gal te char mi 'bebs na srog skam par 'gyur ro/ /gong du
14b3 smos pa'i cho ga bzhin du phyogs kyi cha'am/ klung gi ngogs sam/ rgya mtsho'i 'gram mam/ mtsho'i 'gram mam/ mchod rten gyi gnas su byang chub sems dpa' sems dpa' chen po lag na rdo rje la mchod pa chen po byas te/ tsan+dan dmar po dang / ka ra bI ra'i
14b4 me tog dang / pad+ma dmar po dang / a ti muk+ta ka'i me tog dang / tsam pa ka'i me tog dang / rgyal mtshan dang / ba dan dmar po la sogs pa dang / bum pa spos chus bkang ba la sogs pas mchod pa chen po byas te/ gang mdo sde 'di 'chang
14b5 ba dang / klog pa de g.yul ngo thams cad du zhugs kyang pha rol gyis mi tshugs par 'gyur ro/ /sems can thams cad dga' bar 'gyur ro/ /bkra mi shis pa thams cad las rnam par grol bar 'gyur ro/ /stobs po che rgyal mtshan gyi rtse mo la btags te g.yul
14b6 ngor song na pha rol gyis mi tshugs par 'gyur ro/ /gsang sngags gro ga la bris te spyi bor btags nas g.yul ngor mtshon cha rnams me tog bzhin du ltung bar 'gyur ro/ /de nas bdud des bcom ldan 'das la lan gsum bskor ba byas te phyogs gcig tu
14b7 'dug nas stobs po che zhes bgyi ba ci lags zhes gsol pa dang / bcom ldan 'das kyis bka' stsal pa/ stobs po che zhes bya ba ni de bzhin gshegs pa'o/ /stobs po che zhes bya ba ni chos so/ /stobs po che zhes bya ba ni chos kyi phung po'o/ /stobs po che
iiif viewer powered by OpenSeadragon
Texts on this page
D757 - 'phags pa stobs po che zhes bya ba theg pa chen po'i mdo