rKTs

e-texts navigator

Volume

Page

149a₁ bya/ /yid ni mos par bya ba'i phyir/ /me tog sil ma gtor bar bya/ /srad bu dag gis yongs su bskor/ /rgyal mtshan rta babs dag gis mtshan/ /brgyus pa'i phreng ba rnams bre zhing / /bkra shis cho gar bstan par bya/ /de nas byang gi phyogs gcig
149a₂ tu/ /yo byad thams cad gsog par bya/ /khro bo'i rgyal pos bsrungs nas su/ /blo dang ldan pas dgod par bya/ /gnas ni bsang gtor bya ba dang / /bgegs rnams bsal bar byas nas ni/ /bdag dang dkyil 'khor dag kyang ni/ /dang por kun nas bsrung bya ste/ /
149a₃ bkra shis ltas dang sbyar nas ni/ /mos pa'i sems ni bskyed bya zhing / /mtshams kyi dus su bab pa yi/ /srod kyi dus la brtsam par bya/ /ltas dang mi ldan gyur na yang / /sems ni zhum par mi bya bar/ /rigs gsum dag la phyag byas nas/ /dal gyis legs
149a₄ par brtsam par bya/ /ltas ngan dag ni yang dang yang / /bstud mar byung bar gyur na ni/ /de na dngos grub med gyur gyis/ /de tshe brtsam par mi bya yi/ /yang na de ni zhi ba'i phyir/ /yam shing me ni 'bar ba la/ /ba yi mar las brgya rtsa brgyad/ /zhi ba'i phyir ni sbyin sreg
149a₅ bya/ /de bzhin gshegs pa'i rigs la ni/ /sangs rgyas spyan gyis zhi bar bya/ /pad+ma'i rigs la grags ldan ma/ /rdo rje'i rigs la mA ma kI/ /rigs gsum dag gi spyi la yang / /rig sngags chen mo ma ma ka/ /blo dang ldan pas las kun la/ /de bas des ni zhi bar bya/ /
149a₆ dkyil 'khor ba dag po cho ga bzhin/ /de nas mchod yon dbul bar bya/ /snod ni gser dang dngu la dag dang / /zangs la byas pa'am dung yang rung / /shing la byas pa'am rdo dag gam/ /kham pa sar pa'i gtsang ma'ang rung / /der ni me tog dkar po blugs/ /bdug spos kyis
149a₇ kyang bdug par bya/ /de nas dri zhim chu blugs nas/ /blo ldan la ga gi bram bya zhing / /bdug spos kyis ni bdug bzhin du/ /yid kyis rab tu bzlas brjod bya/ /de nas blo dang ldan pa yis/ /rtsa ba'i gsang sngags zlos byed cing / /sa yi dbus kyi phyogs su ni/ /pus

_{iiif viewer powered by OpenSeadragon}

148b - 149b

Texts on this page