rKTs

e-texts navigator

Volume

Page

135a₁ mongs zad pa'i ma ni sun 'byin dang / /slob pa gsod cing dge 'dun mnga' ba la/ /gang zhig 'dod pas mang nyung rku 'phrog pa/ /mtshams med nye lngar de bzhin gshegs pas gsungs/ /tshul nyams mi ni gang zhig 'di byed pa/ /bskal pa'i bar du mnar
135a₂ med sdug bsngal myong / /gsang sngags dngos grub bsgrims kyang yong mi thob/ /gang zhig bde gshegs gsung gi glegs bam dag /chud gson pa dang mes ni sreg pa dang / /bsam pa ngan pas chur ni 'dor ba dang / /yang na chos kyi sku ni spong ba'am/ /bslab tshig ma lus
135a₃ pas ni brgyan pa yi/ /dge slong dag gam dge slong ma gsod dang / /dge bsnyen dang ni dge bsnyen ma gsod dang / /ngan pa'i sems kyis lha khang bsregs kyang rung / /mi yi yul na sdig pa 'di byas pa/ /dka' ba spyod par ldan yang grub mi thob/ /gang zhig dkon mchog
135a₄ gsum la gnod pa yi/ /bsam pas gnod pa cung zad byas kyang rung / /bdag nyid ngan pas dmyal bar ba cos par 'gyur/ /de nas shi nas las kyi dbang gis yang / /rigs ngan mi yi nang du skye ba 'thob/ /'di dag ngas ni khyod la mdor bshad do/ /gang zhig byang chub
135a₅ sems ni blangs pa las/ /rmongs pas 'jig rten lha tshogs phyag byas na/ /de dag de la mi dgar gyur nas su/ /de yi gsang sngags dngos grub nyams par byed/ /gang gi tshe na sems ni dang ba yis/ /mi yi yul na byang chub sems blangs pas/ /de ni phyin cad lha dang lha
135a₆ min dang / /'jig rten ma lus rnams kyis phyag byar 'os/ /mis ni mngon par mtho ba ma lus pa'i/ /bslab pa mtha' dag blangs par gyur pa dang / /sems can kun la mi 'jigs sbyin pa dang / /dkon mchog gsum gyi rgyud du snying nas skyes/ /gang zhig mi bzad las byed
135a₇ thub pa gsod/ /rig sngags gcod dam gnod par byed pa'am/ /bsam pa ngan pas gsang sngags tshogs mi mchod/ /don med bzhin du sen mos rtswa gcod dang / /rkang pas rkang pa nyed par byed pa dang / /phyugs la sogs pa'i tshogs kyi sna 'bugs dang / /'phags pa'i

_{iiif viewer powered by OpenSeadragon}

134b - 135b

Texts on this page