| e-texts navigator |
| བོད་ཡིག |
133a1 mo byis par lug sogs/ /thab mo 'gyed pa mi blta mi bya'o/ /yul sa'i gtam dang mi dbang bstan pa dang / /dmag dang gyad dang na chung gtam dag dang / /sgrung ldebs dang ni sngon gyi lo rgyus gtam/ /'dod chags dang ni smad 'tshong gtam mi bya/ /
133a2 sngags pa gsang sngags bzlas pa mnos pa ni/ /grong dang grong khyer khyim dang gtsug lag khang / /mchod rten bsti gnas ri dang dka' thub gnas/ /kun dga' lu ma'am rdzing bur 'gro mi bya/ /sngar bshad pa yi gnas rnams ma rnyed na/ /lha khang stong pa dag gam shing drung
133a3 ngam/ /ri dang chu bo chu klung 'bab chu dang / /nags tshal stong pa dang ni yul stong dang / /gnas gang rung bar sngags pas gnas shing bzlas/ /yang na gnas ni nges par ma byas na/ /zla ba brgyad po 'di yi dus dag tu/ /gnas 'di gang yang rung ba zhig tu bsten/ /mtsho dang shing dang
133a4 ri bo'am dgon pa'i gnas/ /mtshe'u dang khang pa gnas sam chu ngogs su/ /dgun dpyid zla ba rnams la gnas byas nas/ /sngags pas dbyaro ni gcig tu gnas byas te/ /ci ltar rgyal bas dge slong dbyar zla gsum/ /tshul zhugs gnas gzhan mi 'gror gsungs pa
133a5 bzhin/ /de bzhin bcom ldan 'das kyis bsngags pa yang / /zla ba gsum du gcig tu gnas par gsungs/ /sngags pas dbyar ni ba sgrub la mi 'jug par/ /bzlas brjod kyis ni dus kyang 'das par bya/ /dbyar 'das dang ni gsang sngags gzi bskyed pas/ /bdag nyid
133a6 bsrung byas bsgrub la 'jug par bya/ /me thab zlum po gru gsum gru bzhi dang / /pad+ma lta bur bya zhing dbyibs legs shing / /'jam zhing shin tu mnyam par byas nas su/ /de dag sa dang lci bas legs par byug /zlum po dbang thang bskyed dang nor dgug dang / /spyan drang
133a7 zhi ba'i cho ga bya bar shis/ /gru gsum du ni dgar bskrad bsad pa dang / /gshed byed la sogs drag po'i las kyang bya/ /gru bzhi par ni klu dang gsang ba pa'i/ /srog bskam pa'am yan lag gzhig par bya/ /pad+ma'i dbyibs su bud med bu mo'i grong / /yul 'khor 'thob
iiif viewer powered by OpenSeadragon
Texts on this page
D805 - 'phags pa dpung bzang gis zhus pa zhes bya ba'i rgyud