rKTs

e-texts navigator

Volume

Page

121b₁ nyal ba dang / 'gro 'phres za klog bzlas brjod byed pa na/ /rjes su dran drug so so'i yon tan dag /rig par bcas te rjes su dran par bya/ /'phags pa dbung bzang gis zhus pa'i le'u gnyis pa'o// //'dod chags la sogs nyon mongs tshogs ldan pa'i/ /
121b₂ sems ni 'khor ba yin par kun du brjod/ /nyon mongs rnam grol shel dar zla 'dra pa'i/ /srid pa'i rgya mtsho'i mthar ni yongs su bsgrags/ /dper na dri med chu ni rdul tshogs kyis/ /skad cig du yang rnyog par byed par ltar/ /de bzhin rnam dag dri ma med pa'i sems/ /
121b₃ 'dod chags la sogs skyon gyis rnyogs par 'gyur/ /pu tra dzi dang dung shel ru rag sha/ /lug tang pad+ma'i snying po zha nye zangs/ /khar ba'i bgrang phreng brgya ni rtsa brgyad pa/ /de dag las ni bgrang phreng gcig blangs te/ /de ni lag pa g.yas pas bzung ba'am/ /lag
121b₄ pa g.yon pas bsgrims te mi 'khrul bzung / /tshar re phyin cig nor bu re re nas/ /sngags pa yis ni rim bzhin drang bar bya/ /'dug nas dbang bo yang dag bsdam pa dang / /lus kyang drang zhing brtan par bzhag nas su/ /phyis ni ma mchu shin tu mdzes par yang / /bsgul
121b₅ zhing gsang sngags ci dgar bzlas brjod bya/ /sems ni glog dang sprin dang rlung dang mtshungs/ /rgya mtsho chen po yi ni rlabs dang 'dra/ /sgyu can 'dod dgur yul la mngon dga' ba/ /g.yo zhing 'phyan pa nges par 'dul bar bya/ /gang che zlos pa'i sems ni zhi ba la/ /bsten pas gnyid
121b₆ kyis dran pa rmongs gyur na/ /langs nas bcag cing phyogs su blta ba dang / /chu yis gdong yang yongs su bkru bar bya/ /las kyi dbang gyur bdag po med pa dang / /mgon med skyabs med tshe rabs gcig nas gcig /lus kyi kha brgyud rjes su rab 'gro ba/ /de yi rjes su dge dang mi dge
121b₇ 'brang / /tshol dang mdza' bshes dang ni rnam par bral/ /mi sdug pa dang phrad cing 'dod pas gdungs/ /ngan pa skye rga na 'chi'i sdug bsngal can/ /yul rnams kun du song na'ang med pa min/ /sha sbrang tsha grang bkres dang ngal la sogs/ /gang du song yang sdug bsngal nyid yin pas/ /yul

_{iiif viewer powered by OpenSeadragon}

121a - 122a

Texts on this page