| e-texts navigator |
| བོད་ཡིག |
120b1 rigs kyis rlom zhing snying rjer mi ldan pa/ /de dag bde bar gshegs pa'i mchod rten la/ /mchod pa mthong nas gegs kyang byed par 'gyur/ /bram ze sangs rgyas pa las ci ltar dman/ /smrang las bram ze dag la dmangs rigs rnams/ /bsnyen bkur dang ni mchod
120b2 par 'byung bas na/ /dmangs rigs kyis kyang gsang sngags ci ltar bzlas/ /lha dang 'gron mchod pa dang las drug dang / rgyal po dang ni me lha bsten pa dang / bu yi don du 'gro bar bya ba dag /bram ze rnams kyi nges par 'grub pa yin/ /rgyal rigs rje'u rigs rnams
120b3 kyang rang gi las/ /grub pas 'di la the tsom ma byed ces/ /du smra ba sna tshogs skyon dag gis/ /bdag dang gzhan gyi sems ni sreg par byed/ yan lag brgyad lam gnas pas rtag tu ni/ /nyi ma phyed mtshams tsun chad bslang bar bya/ /bram ze'i dus ni phyi dro yi na pas na/ /
120b4 de phyir bram ze'i khyim du 'gro mo bya/ /dge dang mi dge shes pa bzung na ni/ /bram ze dmangs rigs dag la byad par med/ /'on kyang 'gro ba'i blos ni bram ze dang / 'di ni dmangs rigs yin zhes brtags par zad/ /bden pa'i lam dmigs dge ba'i rjes 'brang na/ /dmangs
120b5 rigs dag kyang skye shi med par 'gro/ /log pa'i lam zhugs nyes par spyod ldan na/ /bram ze ngag yin mi bzad dmyal bar ltung / /lus can shin tu dri ma ldan pa dag /'di na gzhan gyis dag par mi 'gyur te/ de ni sdig pa rnam par bsal ba dang / /bsod nams ma lus
120b6 yongs su bzung bas bdag / dper na rma ni gso dang bsal ba'i phyir/ /nad pa dag la sman ni sbyin par ltar/ /de bzhin 'dir yang bkres pa'i sdug bsngal dag /bsal phyir rgyal bas kha zas bzang bar gsungs/ /la la lam gyis dub cing 'gro ba'i tshe/ /bkres skom gdungs
120b7 pas rag gi bu yi sha/ /za ba bzhin du rnal 'byor sems dman bzhin/ /tshe dang rgyags phyir bza' bar mi bya'o/ /mang du blugs na rtsol med mtho ba dang / de bzhin nyung ngus srang ni dma' 'gyur la/ /ran pas skad cig mnyam par 'gro ba ltar/ /lus can kha zas de ltar
iiif viewer powered by OpenSeadragon
Texts on this page
D805 - 'phags pa dpung bzang gis zhus pa zhes bya ba'i rgyud