rKTs

e-texts navigator

Volume

Page

231a₁ ro/ /de nas blo gros rdo rje ma nyi tshe'i cho ga bshad par bya ste/ yar gyi ngo tshes gcig la brtsams la sku gdung dang ldan pa'i sku gzugs bzhag ste/ pho nya ma'i ri mo'i gzugs cho ga bzhin du nub phyogs su bstan nas de'i mdun du ba lang gi lci ba'am
231a₂ sa dkar gyis dkyil 'khor skyong nul gyis byugs la de'i steng du gur gum dang tsan+dan dkar pos byugs te/ tsan+dan dkar po'am yungs kar gyis rdo rje bri'o/ /de'i phyogs gcig tu thab khung rdo rje'i dbyibs 'dra bar byas la/ de nas las brtsam par bya ste/ dus
231a₃ gsum du khrus byed cing dus gsum du gos brje ba dang / phyi rol du rtswa dUr ba'i stan la nyal ba dang / gso sbyong gi yan lag brgyad dang ldan pa dang / kha zas dus gcig tu 'o ma dang / 'bras sA lu'i chan bza' zhing dka' thub spyod pas nang du lha bshos
231a₄ dbul bar bya'o/ /gtor ma yang til zan dang / 'byung po'i zas sbyin par bya'o/ /bdug pa ni bcom ldan 'das la a ga ru dbul lo/ /lag na rdo rje la ni gu gul dang / thang chu dbul lo/ /bcom ldan 'das la ni me tog dri zhim po rnams dbul lo/ /
231a₅ lag na rdo rje la ni ka ra bI ra dmar po dbul lo/ /mtshan mo ni mar me gnyis dbul bar bya ste/ dus gsum du lan brgyad brgya bzlas brjod byas la sbyin sreg kyang bya'o/ /mjug tu zhag gsum smyung bar byas nas zla ba nya la mchod pa rgyas par byas te/ nam
231a₆ zhig rang bzhin gyi tshul gyis 'ong ba'am/ yang na 'od ston pa'am/ yang na rmi lam legs par ston pa'am/ yang na gnod sbyin mo 'am/ rig sngags sam/ ci 'dod pa thams cad sbyin par 'gyur gyi bar du pho nya ma'i bzlas brjod grangs med par bya'o/ /bdug
231a₇ pa'i gsang sngags la/ na mo ba ra mu ni ba ra mu ni ba ra mu ni pra tIts+tsha me b+ha ga t+yo pa ni taM pu Sh+pa gan+d+ha mA l+ye pa ha ra ma i li mi li li me/ i li mi li li me swA hA/ 'dis dus gsum du dri dang / bdug pa dang / me tog gi phreng ba'i mchod pa dbul bar

_{iiif viewer powered by OpenSeadragon}

230b - 231b

Texts on this page