rKTs

e-texts navigator

Volume

Page

186a₁ du bcom ldan 'das kyis bdag la rjes su gnang ba stsol cig dang / bdag gis chos smra ba dang / chos nyan pa de dag gi don du nyan pa rnams dang / ri mor bgyid pa rnams dang / mchod par bgyid pa rnams dang / 'dzin par bgyid pa rnams kyi re ba thams cad yongs
186a₂ su rdzogs par bgyid pa/ byang chub sems dpa' rnams kyi dam bca' ba'i phyag rgya dag stsal bar bgyi'o/ /na maHsarba ta thA ga tA nA na/ sarba bo d+hi sa twA nA na/ ar hA tA na/ tad+ya thA/ o~M badzra d+ha ra/ badzra kA ya/ badzra ba la/ badzra te dza/ hU~M hU~M/ badzra pA Ni/ ta thA ga ta A dz+nyA ma pa lA
186a₃ ya/ sma ra pra ti dz+nyA ma/ sarba byA d+hI na sarba pA bA na nA sha ya/ de hi me/ ya thai ba si ta ma ba ra ma/ ya na ya me ba a b+hi prA ya na yA tsa mi tan ta me ba sa mr-i d+ha tu/ he he/ tu ru tu ru/ A gats+tsha A gats+tsha mA bi lam ba/ dar+Sha ya/ badzra kA ya ma/ dar+Sha ya/ badzra kA ya ma/ bud d+ha a
186a₄ d+hiSh+ThA ne na swA hA/ gzungs 'di brjod pa na sa chen po 'di mtho ba dang dma' bar gyur to/ /gnod sbyin dang / srin po thams cad kyang rab tu dngangs so/ /lha thams cad dang / mi dang mi ma yin pa'i bar dag kyang ngo mtshar du gyur nas sems can chen por rab tu grub par byed
186a₅ pa'i gzungs kyi gsang sngags gzhi 'di dag bshad pa ni legs so legs so zhes bya ba byin no/ /de nas bcom ldan 'das la byang chub sems dpa' sems dpa' chen po lag na rdo rjes 'di skad ces gsol to/ /btsun pa bcom ldan 'das gang la la zhig byang chub sems dpa'i
186a₆ sa'am/ nor dang / 'bru dang / longs spyod kyi dbang phyug gam/ rgyal srid kyi dbang phyug gam/ rig sngags 'chang ba nyid dam/ tshe dang / stobs dang / mdog dang / brtson 'grus dang / tshe ring po nyid 'tshal ba des snga nas bsnyen par bgyis la dgung zla yar
186a₇ gyi ngo tshes brgyad la tsan+dan dkar po las rdo rje 'dzin pa rta gad du dgod cing rgyan thams cad kyis brgyan pa/ snying gar sku gdung stsal ba/ sku gdung dang bcas pa'i rdo rje 'dzin pa rig sngags 'chang yang dag par dbugs 'byin par bgyid pa bgyis la/ gtsang mas bdug spos

_{iiif viewer powered by OpenSeadragon}

185b - 186b

Texts on this page