rKTs

e-texts navigator

Volume

Page

182b₁ la/ gcig gis gcig gi nor dang / longs spyod dang / dbang phyug dag 'phrog par 'gyur zhing / gad mo dang / 'jo sgeg dang / bro gar dang / rtsed mo dag gis mngon par rtse ba dang / mi rtag pa la rtag par 'du shes pa dang / mi sdug pa la sdug par 'du shes par bgyid
182b₂ lags so/ /de ci'i slad du zhe na/ de dag rgyu de dang gzhi des sems can rnams la mi dge ba rnam pa sna tshogs dag gis gtses nas sems can dmyal ba dang / dud 'gro'i skye gnas dang / gshin rje'i 'jig rten dag tu yang skye bar 'gyur lags pas/ bcom ldan 'das de'i
182b₃ slad du bdag de dag gi don dang / sman pa dang / bde ba dang / re ba thams cad yongs su rdzogs par bgyi ba dang / de bzhin gshegs pa'i ye shes thob par bgyi ba'i bar dang / sangs rgyas kyi zhing du skye bar bgyi ba dang / sdig pa thams cad bzlog par bgyi ba'i slad du/ de
182b₄ bzhin gshegs pa la gsol ba 'debs par 'tshal gyis/ bcom ldan 'das de bzhin gshegs pa la ni mi mkhyen pa dang / ma rtogs pa dang / ma gzigs pa dang / ma gsan pa dang / rnam par mi mkhyen pa ci yang mi mnga' bas chos kyi 'bel ba'i gtam nyan par
182b₅ 'tshal ba dang / sngon gyi sangs rgyas la bsnyen bkur bgyis pa dang / shes rab dang ldan pa'i rang bzhin can gyi byang chub sems dpa' dang / dge slong dang / dge slong ma dang / dge bsnyen dang / dge bsnyen ma dang / lha dang / klu dang / gnod sbyin dang / dri za dang /
182b₆ lha ma yin dang / nam mkha' lding dang / mi'am ci dang / lto 'phye chen po mang po lhags pa 'di dag re ba ma mchis par gyur cing / slar mchi par mi 'gyur bar bcom ldan 'das bshad du gsol/ bde bar gshegs pa bshad du gsol/ de nas thams cad dang ldan pa'i
182b₇ 'khor ji ltar lhags pa de dag gis kyang yan lag lngas phyag byas te tshig mthun par 'di skad ces gsol to/ /bcom ldan 'das legs par bshad du gsol/ bde bar gshegs pa legs par bshad du gsol/ de nas bcom ldan 'das kyis lan gnyis lan gsum du

_{iiif viewer powered by OpenSeadragon}

182a - 183a

Texts on this page