rKTs

e-texts navigator

Volume

Page

182a₁ phrag du ma dag gi re ba thams cad yongs su rdzogs par 'gyur zhing ye shes chen po yang 'thob par 'gyur gyis/ rigs kyi bu de'i phyir khyed kyis sems can thams cad la snying rje skyed la/ phan pa dang / bde ba dang / bla na med pa yang dag par rdzogs pa'i byang chub
182a₂ la dgod par bya ba'i bar gyi phyir/ de bzhin gshegs pa la yongs su zhus shig /rigs kyi bu phyi ma'i dus phyi ma'i tshe na sems can sdig pa byed pa/ dbul ba/ nyam chung ba/ lus mdog ngan pa/ rga ba dang na bas yongs su gzir ba/ longs spyod chung ba lus yongs su ma
182a₃ bsgoms pa/ tshe thung ba/ blo chung ba/ 'dod chags dang / zhe sdang dang / gti mug gis yongs su gzir ba dag 'byung ba yod de/ rigs kyi bu de dag gi don du chos bstan par bya ba'i phyir/ de bzhin gshegs pa la gsol ba thob shig dang / rigs kyi bu de'i phyir khyod kyis yun ring por sems
182a₄ can rnams kyi don dang / phan pa dang / bde ba dang / nad thams cad rab tu zhi bar bya ba dang / sdig pa thams cad bzlog par bya ba dang / sdig pa thams cad rab tu zhi bar bya ba dang / re ba thams cad yongs su rdzogs par bya ba dang / bla na med pa'i yongs su mya ngan las 'da' ba'i
182a₅ bar dag byas par 'gyur ro/ /de nas byang chub sems dpa' sems dpa' chen po 'phags pa spyan ras gzigs dbang phyug gis phyogs bcur rnam par bltas te/ de bzhin gshegs pa bye ba phrag gang gA'i klung gi bye ma snyed dag yid la byas nas/ bcom ldan 'das ga la ba de logs
182a₆ su thal mo sbyar ba btud de/ lan gsum bskor ba byas nas yan lag lngas phyag 'tshal te/ bcom ldan 'das la 'di skad ces gsol to/ /bcom ldan 'das slad ma'i dus slad ma'i tshe na sems can rga ba dang / na ba dang / 'chi ba dang / mya ngan gyis non par gyur pa/
182a₇ dus ma lags par 'gum pas yongs su gzir ba/ nyam chung ba/ mdog ngan pa/ tshe thung ba/ longs spyod chung ba/ lus yongs su ma bsgoms pa dag 'byung bar mchis te/ de dag ni ser sna dang / 'chal pa'i tshul khrims kyi sems kyis gcig la gcig 'gum par 'gyur

_{iiif viewer powered by OpenSeadragon}

181b - 182b

Texts on this page