rKTs

e-texts navigator

Volume

Page

181b₁ 'jig rten gyi khams kyi sems can gang yin pa de dag thams cad la yang bskul nas thams cad chos mnyan pa'i phyir/ bcom ldan 'das ga la ba der lhags te/ sems can gang dag lha rnams kyi nang du skyes pa de dag thams cad kyis ni lha'i bde ba yongs su spangs nas sangs
181b₂ rgyas rjes su dran par byas te chos mnyan pa'i phyir/ bcom ldan 'das ga la ba der lhags so/ /sems can gang dag mi rnams kyi nang du skyes pa de dag gis kyang mi'i bde ba yongs su spangs nas chos mnyan pa'i phyir/ bcom ldan 'das ga la ba der lhags so/ /sems
181b₃ can gang dag / klu dang / gnod sbyin dang / srin po dang / dang / sha za rnams kyi nang na skyes pa de dag gis kyang sangs rgyas rjes su dran pa so sor thob nas sems can thams cad la byams par gnas pa dang / lus dang sems bde bar gyur nas chos mnyan pa'i
181b₄ phyir/ bcom ldan 'das ga la ba der lhags so/ /sems can gang dag gshin rje'i 'jig rten rnams su mun pa mun nag gi nang du skyes pa de dag kyang sangs rgyas kyi mthus yud tsam zhig dran pa so sor thob nas gcig gis gcig kun tu shes par gyur te/ de dag mun pa
181b₅ chen po de nas yongs su thar bar gyur to/ /sems can thams cad gcig la gcig byams par gnas shing nye ba'i nyon mongs pa rnams dang bral bar gyur to/ /de nas de'i tshe sa chen po 'di rnam pa drug tu rab tu g.yos te mtho ba dang dma' bar gyur to/ /de nas 'khor
181b₆ 'dus pa der 'jam dpal gzhon nur gyur pa 'dus te 'dug par gyur nas/ des byang chub sems dpa' sems dpa' chen po 'phags pa spyan ras gzigs dbang phyug la 'di skad ces smras so/ /rigs kyi bu byang chub sems dpa'i 'dus pa chen po kun tu snang zhing 'dus pa
181b₇ chen po'i snga ltas kyang kun tu snang la/ rigs kyi bu byang chub sems dpa' bye ba khrag khrig 'bum phrag mang po dag lung ston pa yang kun tu snang zhing chos kyi 'bel ba'i gtam chen po'i snga ltas kyang kun tu snang ba las na rigs kyi bu byang chub sems dpa' bye ba khrag khrig 'bum

_{iiif viewer powered by OpenSeadragon}

181a - 182a

Texts on this page