rKTs

e-texts navigator

Volume

Page

181a₁ 'jigs byed ma dang / dpal ldan ma dang / 'phrog ma dang / dung can ma la sogs pa gnod sbyin mo chen mo brgyad cu dang / brgya byin dang / tshangs pa dang / rnam thos kyi bu dang / yul 'khor srung dang / 'phags skyes po dang / mig mi
181a₂ bzang dang / nor bu bzang po'i bu dang / gang ba bzang po la sogs pa 'jig rten skyong ba thams cad kyi bar dag dang thabs cig tu bzhugs so/ /de nas de dag thams cad kyis de bzhin gshegs pa seng ge'i khri la bzhugs par rig nas rang rang gi dge ba'i rtsa ba
181a₃ dag gis de bzhin gshegs pa la lha'i rgyan dang / na bza' dang / me tog dang / me tog phreng dang / spos dang / byug pa dang / rol mo'i sgra rnams kyis mchod par byas/ ri mor byas so/ /kha cig gis ni lan 'bum phrag du mar bskor ba byas te bstod do/ /de nas
181a₄ de'i tshe bcom ldan 'das sems can thams cad la dmigs pa snying rje chen po'i shes pa la gnas pa zhes bya ba'i ting nge 'dzin la snyoms par zhugs so/ /ting nge 'dzin de'i mthus stong gsum gyi stong chen po'i 'jig rten gyi khams 'di 'od kyis snang bar gyur cing / gzugs
181a₅ thams cad snang bas khyab par gyur nas/ sems can dmus long gang yin pa de dag gis ni mig gis gzugs rnams mthong bar gyur to/ /'on pa rnams kyis ni rna bas sgra dag thos par gyur to/ /nad kyis btab pa rnams ni nad dag dang bral bar gyur to/ /gos
181a₆ med pa rnams ni gos dag thob par gyur to/ /smyon pa rnams ni dran pa thob par gyur to/ /lus nyams pa dang dbang po ma tshang ba rnams ni lus dang dbang po yongs su rdzogs par gyur to/ /dbul po rnams kyis ni nor dag thob par gyur to/ /sems can gang dag nor
181a₇ dang / yo byad dang / longs spyod med pa de dag ni nor dang / yo byad dang / longs spyod dag dang ldan par gyur to/ /sems can thams cad kyang bde ba thams cad dang ldan zhing bsam pa thams cad yongs su rdzogs par gyur to/ /stong gsum gyi stong chen po'i

_{iiif viewer powered by OpenSeadragon}

180b - 181b

Texts on this page