| e-texts navigator |
| བོད་ཡིག |
216b1 shes dpag tu med pa zhes bya ba theg pa chen po'i mdo/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das mnyan yod na/ rgyal bu rgyal byed kyi tshal mgon med zas sbyin gyi
216b2 kun dga' rab na dge slong brgya phrag phyed dang bcu gsum gyi dge slong gi dge 'dun chen po dang / byang chub sems dpa' sems dpa' chen po rab tu mang bo de dag dang thabs cig tu bzhugs te/ de nas bcom ldan 'das kyis 'jam dpal gzhon nur gyur
216b3 pa la bka' stsal pa/ 'jam dpal steng gi phyogs na/ 'jig rten gyi khams yon tan dpag tu med pa zhes bya ba zhig yod de/ de na de bzhin gshegs pa dgra bcom pa yang dag par rdzogs pa'i sangs rgyas tshe dang ye shes dpag tu med pa shin tu rnam par gdon mi za ba'i
216b4 rgyal po zhes bya ba bzhugs so/ /tshe 'dzin cing tshe mthar phyin par bzhed de/ sems can rnams la chos kyang ston to/ /'jam dpal gzhon nur gyur pa nyon cig /'dzam bu'i gling 'di'i sems can rnams ni tshe thung ba lo brgya pa sha stag ste/ de dag las
216b5 kyang phal cher ni dus ma yin par 'chi bar bstan to/ /'jam dpal sems can gang dag de bzhin gshegs pa tshe dang ye shes dpag tu med pa de'i yon tan dang bsngags pa yongs su brjod pa zhes bya ba'i chos kyi rnam grangs 'di yi ger 'dri'am/ yi ger 'drir 'jug
216b6 gam/ ming tsam nyan tam/ klog pa nas glegs bam la bris te/ khyim na 'chang gi bar du byed dam/ me tog dang / spos dang / phreng ba dang / phye ma rnams kyis mchod par gyur pa de dag gi tshe yongs su zad pa las tshe lo brgya thub par 'gyur ro/ /'jam
216b7 dpal sems can gang dag tshe dang ye shes dpag tu med pa shin tu rnam par gdon mi za ba'i rgyal po'i mtshan brgya rtsa brgyad thos pa de dag tshe yang rnam par 'phel bar 'gyur ro/ /sems can gang dag tshe yongs su zad kar mtshan 'chang bar gyur pa de dag gi tshe yang rnam
iiif viewer powered by OpenSeadragon
Texts on this page
D675 - 'phags pa tshe dang ye shes dpag tu med pa zhes bya ba theg pa chen po'i mdo