rKTs

e-texts navigator

Volume

Page

192a₁ logs su bskor bar bya ba ni sngags pas mdun du 'gro zhing sngags pa'i steng ni zhing rmor 'gro bar bya'o/ /phyis sa bon 'debs pa'i dus su cho ga 'dis brgyad brgya sngags la sa bon spar ba gang la lan bdun bzlas te zhing la gtor bar bya'o/ /sa bon gdabs
192a₂ pa'i cho ga'o/ /da ni zhing rnga ba'i dus su yang cho ga 'dis bya'o/ /cho ga lhag pa ni 'dir dge slong bzhi la zhing gi mtshams bzhir ci 'dod ston mo byas te/ de nas sngags pas chad pa bdun bzlas pa byed cing rnga ba ni lo tog rtsa ba byas pa'i cho ga'o/ /da ni g.yul 'chag pa bya'i
192a₃ cho ga bshad par bya ste/ g.yul 'chag pa'i dus su sngags pas rang nyid gtsang sbra byas la gos gtsang ma gon la shar du zhal bstan te/ sku gzugs bzhugs su gsol la dri dang / me tog dang / bdug pa dang / yang na nye bar longs spyod pa'i gtor ma byas la bzlas
192a₄ pa byas te/ 'bru'i phung po'i mtshams bzhir gzhon nu ma gsar du bag ma byas shing khyo yod pa'i bud med bzhi la ston mo byas la/ de snyed kyi mthar zad pa med par gnas so/ /de nas skyes bus 'bru 'jal zhing grangs byed pa'i dpral ba la sngags dgod par bya'o/ /bcom
192a₅ ldan 'das ma'i sngags de snyed du smra bcad byas la bzlas pa bya'o/ /ji snyed du sngo la bltas na gnyis 'gyur du 'gro bar 'gyur ro/ /de snyed bzlas pa bya'o/ /de nas 'bru'i lhag ma de mi 'jal bar 'chings pa'i mi la sogs pa bos shing sbyin pa'am/ dge 'dun la sbyin par
192a₆ bya'o/ /g.yul 'chag pa'i cho ga'o/ /da ni 'bru bang mdzod du 'jug pa'i cho ga bshad par bya ste/ dang po re zhig mdzod kyi sgo g.yas g.yon du 'byung po gnyis gcer bu gsus pa 'phyang ba/ dbang po 'phyang ba/ g.yon pa'i lag na 'bru'i snod bzung zhing 'bru skyug bzhin
192a₇ pa/ gser gyi mdog /rgyan thams cad kyis brgyan pa gnyis bri bar bya'o/ /mdzod kyi khang par yang dri dang / byug pa dang / mchod yon sbyin zhing gdugs dang / rgyal mtshan dang / ba dan la sogs pas bcom ldan 'das ma'i thang ka'i mdzod kyi nang du bzhugs par bya'o//

_{iiif viewer powered by OpenSeadragon}

191b - 192b

Texts on this page