| e-texts navigator |
| བོད་ཡིག |
129a1 par 'tshang rgya bar 'gyur ro/ /bcom ldan 'das kyis de skad ces bka' stsal nas/ byang chub sems dpa' sems dpa' chen po de dag yi rangs te/ bcom ldan 'das kyis gsungs pa la mngon par bstod do/ /'phags pa dkyil 'khor brgyad
129a2 pa zhes bya ba theg pa chen po'i mdo rdzogs so/ / //rgya gar gyi mkhan po dzi na mi tra dang / dA na shI la dang / zhu chen gyi lo ts+tsha ba ban+de ye shes sdes bsgyur cing zhus te skad gsar chad kyis kyang bcos nas gtan la phab pa// //
129a3 @#/ /rgya gar skad du/ a mr-i ta b+ha ba nA ma d+hA ra NI/ bod skad du/ bdud rtsi 'byung ba zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa'i dus gcig na/ bcom ldan 'das rgyal po'i
129a4 khab byang chub kyi shing drung na/ 'khor rnam bzhi dang / lha dang / mi rnams kyis bskor nas bzhugs so/ /de nas 'khor rnams kyi nang nas khyim bdag bzang skyong gis/ bcom ldan 'das kyi 'khor rnam pa bzhi dang / rigs drug gi sems can thams cad la/
129a5 spos dang / sman dang / zhal zas kyi mchod pa chen po bshams nas/ bcom ldan 'das la 'di skad ces gsol to/ /bcom ldan 'das bza' ba dang / bca' ba dang / btung ba 'di rnams sems can rnams kyi don du byin gyis brlab tu gsol/ de nas
129a6 bcom ldan 'das kyis bdud rtsi 'byung pa zhes bya ba'i ting nge 'dzin la snyoms par zhugs te/ zhal zas kyi steng du zla ba'i dkyil 'khor gyi steng du ra~M dkar po la chos thams cad rdul dang bral ba'o zhes bya ba'i sgra byung bas zhal zas kyi dri ma dag par gyur to/ /yang zla ba'i
129a7 dkyil 'khor gyi steng du a dkar po bsams te/ zhal zas lha'i bdud rtsi dang / yo byad du gyur to/ /yang zla ba'i dkyil 'khor gyi steng du/ oM zhes pas 'phags pa dang sems can thams cad mnyes shing tshim par gyur to/ /de nas bcom ldan 'das kyis
iiif viewer powered by OpenSeadragon
Texts on this page
D644 - 'phags pa dkyil 'khor brgyad pa zhes bya ba theg pa chen po'i mdo
D645 - bdud rtsi 'byung ba zhes bya ba'i gzungs