rKTs

e-texts navigator

Volume

Page

242a₁ 'dod pa'i gzugs 'dzin pa dang / stobs che zhing gzhan gnon pa dang / sems can thams cad kyi gcig tu 'dren pa por gyur nas sman pa chen po'i mchog tshe dpag tu med par 'gyur ro/ /de ltar rdo rje dang / 'khor lo dang / rtse gsum la sogs pa yang
242a₂ bsgrub par bya'o/ /de ltar phan yon dpag tu med pa'i gzungs chen mo de bzhin gshegs pa thams cad kyi snying por gyur pa mchog tu rnyed par dka' ba 'di ji lta ji ltar sbyar ba de lta de ltar las grub par byed do/ /gang yang de bzhin gshegs pa thams cad kyi gtsug tor rnam par
242a₃ rgyal ba zhes bya ba'i gzungs 'di nyi ma re re la dus gsum du lan nyi shu rtsa gcig rtsa gcig bzlas pa bya zhing mchod rten chen po byas te yang dag par bcangs la gzhan la yang rgya cher gsal bar byas na de skyid pa 'thob cing stobs dang ldan pa dang / nad med pa dang / lo brgya thub pa dang /
242a₄ blo rno ba dang / skye ba dran par 'gyur ro/ /gang gi tshe 'chi ba'i dus byed pa de'i tshe sbrul shun pa brjes pa dang 'dra bar rang gi lus bor te bde ba can gyi 'jig rten gyi khams su skye bar 'gyur ro/ /dmyal ba'i sgra rna bug tu yang thos par mi 'gyur na 'bras bu smin par lta yang ga la
242a₅ 'gyur/ gang dang gang du skyes pa de dang de ru skye ba dran par 'gyur ro/ /bcom ldan 'das kyis de skad ces bka' stsal pa dang / thams cad dang ldan pa'i 'khor de dag dang / lha dang / mi dang / lha ma yin dang / dri zar bcas pa'i 'jig rten yi rangs te/ bcom ldan 'das kyis
242a₆ gsungs pa la mngon par bstod do/ / //de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa rdzogs so// @##/ /rgya gar skad du/ sarba ta thA ga ta uSh+NI Sha bi dza ya nA ma
242a₇ d+hA ra NI kalpa sa hi ta/ bod skad du/ de bzhin gshegs pa thams cad kyi gtsug tor rnam par rgyal ba zhes bya ba'i gzungs rtog pa dang bcas pa/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom

_{iiif viewer powered by OpenSeadragon}

241b - 242b

Texts on this page