| e-texts navigator |
| བོད་ཡིག |
88a1 @##/ /rgya gar skad du/ Ar+ya many+dzu shrI mU la tan+t+ra/ bod skad du/ 'phags pa 'jam dpal gyi rtsa ba'i rgyud/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das gnas gtsang ma'i steng gi
88a2 nam mkha'i dkyil na/ byang chub sems dpa' 'dus pa'i 'khor gyi tshogs so so tha dad pa bsam gyis mi khyab pa ngo mtshar rmad du byung ba/ so sor rab tu gnas pa dang thabs cig tu bzhugs te/ de nas bcom ldan 'das kyis gnas gtsang ma'i ris kyi lha'i bu rnams la bka' stsal pa/ lha'i
88a3 bu dag khyed cag nyon cig / byang chub sems dpa' sems dpa' chen po 'jam dpal gzhon nur gyur pa'i cho 'phrul gyi spyod pa bsam gyis mi khyab pa ngo mtshar rmad du byung ba'i ting nge 'dzin gyi bye brag dang / rdzu 'phrul dang / rnam par thar pa'i dkyil 'khor byang chub sems dpa'i rnam par 'phrul pa
88a4 dang / byang chub sems dpa' thams cad kyi nye bar 'tsho ba/ tshe dang nad med pa dang dbang phyug dang / yid la bsam pa yongs su rdzogs par byed pa'i sngags kyi gzhi dag sems can rnams la phan pa'i phyir bshad par bya ste/ de shin du legs par nyon la yid la zung shig dang / ngas bshad par
88a5 bya'o/ /de nas gnas gtsang ma'i ris kyi lha'i bu de dag gis thal mo sbyar ba btud nas/ bcom ldan 'das la legs so zhes gsol te/ byang chub sems dpa' rnams kyi spyod pa ting nge 'dzin gyi khyad par dang / sa chen po thob par bya ba dang / rdo rje'i gdan gnon pa dang / bdud gdul ba dang /
88a6 chos kyi 'khor lo bskor ba dang / nyan thos dang rang sangs rgyas thams cad kyi nges par 'byung ba dang / lha rnams dang mi rnams su skye bar bya ba dang / sdug bsngal dang / dbul ba dang / nad thams cad zhi bar byed pa/ longs spyod kyis phyug pa 'dren par byed pa/ 'jig rten dang 'jig rten
88a7 las 'das pa'i sngags kyi spyod pas phongs par mi byed pa/ re ba thams cad yongs su rdzogs par byed pa de bzhin gshegs pa thams cad kyi gsung 'bras bu med par byed pa ma yin pa/ bcom ldan 'das kyis byams pa'i thugs dang / phan pa'i thugs dang bdag dang sems can thams
iiif viewer powered by OpenSeadragon
Texts on this page
D543 - 'phags pa 'jam dpal gyi rtsa ba'i rgyud