| e-texts navigator |
| བོད་ཡིག |
85a1 'jig rten gyi 'jigs pa mtha' yas pa dang / kyi 'jigs pa mtha' yas pa dang / bgrod dka' ba'i 'jigs pa mtha' yas pa dang / skye ba'i 'jigs pa mtha' yas pa dang / nad kyi 'jigs pa mtha' yas pa dang / 'chi ba'i 'jigs pa mtha' yas
85a2 pa dag las yang dag par 'da' bar 'gyur ro/ /phyogs bcu'i sangs rgyas bcom ldan 'das rnams kyis dgongs par 'gyur ro/ /sems rnam par g.yeng ba med par 'chi ba'i dus byed cing / sangs rgyas rnams kyi spyan sngar skye bar 'gyur/ zad mi shes pa'i lus thob par 'gyur/
85a3 sprul pa'i lus kyang thob par 'gyur ro/ /namaHsarba bid+yA/ sid d+h+y+ha na tu me man tra pA da swA hA/ 'phags pa 'jigs pa chen po brgyad las sgrol ba zhes bya ba'i gzungs rdzogs so// @#/ /rgya gar skad du/ Ar+ya bi she Sha ba ti nA ma d+hA ra NI/ bod skad du/ 'phags pa khyad par can
85a4 zhes bya ba'i gzungs/ sangs rgyas dang byang chub sems dpa' thams cad la phyag 'tshal lo/ /'di skad bdag gis thos pa dus gcig na/ bcom ldan 'das sbrul gyi lo'i dgun zla ra ba'i tshes nyi shu la yul phug ron can na/ grong khyer siny+tso zhes bya ba'i gtsug lag khang na bzhugs te/
85a5 de'i tshe dge slong tshe brjod ces bya ba don cig gi phyir grong khyer gnas song zhes bya bar song ste/ dge slong de rgya yul gyi grong khyer nas dpag tshad brgya'i lam du phyin pa dang / dge slong des bar der mi lus chen po khrun du mtho sum cu yod pa/ bzhin mtho bzhi pa zhig rgyang ring po nas mthong
85a6 ngo / /mthong nas kyang dge slong tshe brjod des mi de lta bu de la 'di snyam du bsams te/ kye ma mi 'di ni lus che ste/ 'di ni 'jam dpal gzhon nur gyur pa yin du nges so snyam nas/ des pus mo gnyis ka'i lha nga sa la btsugs te/ mi lus chen po ga la ba de logs su thal mo sbyar ba btud nas/
85a7 mi lus chen po de la 'di skad ces smras so/ /ji khyod 'jam dpal gzhon nur gyur pa ste/ 'di na gda' 'am/ 'jam dpal gyis smras pa/ dge slong de de bzhin no/ /dge slong des smras pa/ 'jam dpal khyod ci'i slad du 'di na gda'/ 'jam dpal gzhon nur gyur pas smras pa/ dge slong 'dzam
iiif viewer powered by OpenSeadragon
Texts on this page
D541 - 'phags pa 'jig pa chen po brgyad las sgrol ba zhes bya ba'i gzungs
D542 - 'phags pa khyad par can zhes bya ba'i gzungs