| e-texts navigator |
| བོད་ཡིག |
73a1 phan yon che ba dang / byin che bar 'gyur ba'i phyir gzungs kyi chos kyi rnam grangs 'di zung shig /long shig /chong shig /lhogs shig /kun chub par gyis shig /gzhan dag la yang rgya cher rab tu ston cig gsol pa/ bcom ldan 'das rgyas par
73a2 bgyi ba'i slad du bdag gis gzung lags so/ /de nas bcom ldan 'das kyis don 'di nyid rgyas par bstan pa'i phyir de'i tshe tshigs su bcad pa 'di dag bka' stsal to/ /gzungs sngags kyi ni mdo sde 'di/ /sangs rgyas kun gyis gsungs pa ste/ /sems can rnams la
73a3 phan pa'i phyir/ /de ni ngas kyang bshad pa yin/ /gang zhig gzungs sngags mdo sde 'di/ /'dzin tam yang na klog byed pa/ /tshe rabs nyi shu rtsa gcig tu/ /de ni tshe rabs dran par 'gyur/ /gzungs sngags 'di rjod byed de la/ /mi min gang yang rung ba
73a4 dang / /gnod sbyin grul bum srin po dag /nams kyang bar chad mi byed do/ /gzungs sngags 'di rjod byed de la/ /'dod khams dbang phyug gang yin pa/ /sdig can bdud de nam du yang / /bar chad byed par mi 'gyur ro/ /gzungs sngags 'di 'dzin
73a5 byed de yi/ /pha ma dang ni phu nu dang / /sring mo mdza' bshes gnyen dag kyang / /log par ltung bar mi 'gyur ro/ /de phyir gzungs sngags mdo sde 'di/ /'jigs med gang gis thos gyur nas/ /gzungs sngags 'di rjod byed pa des/ /nams kyang 'jigs par
73a6 mi bya'o/ /gzungs sngags 'di 'dzin byed de yi/ /bskal pa bye ba stong rnams su/ /sgrib pa'i las ni gang byas pa/ /zhag bdun gyis ni byang bar 'gyur/ /byang chub sems dpa'i bsod nams gang / /bskal pa bye bar bsgrubs pa kun/ /gzungs sngags 'di 'dzin byed
73a7 pa des/ /zhag bdun gyis ni zil gyis non/ /phyogs bzhi'i 'jig rten skyong ba bo/ /rgyal po chen po bzhi po dag /lus ngan dang ni yul 'khor srung / /mig mi bzang dang 'phags skyes po/ /kha dog ldan zhing grags dang ldan/ /'khor bcas blon bcas de dag kyang / /
iiif viewer powered by OpenSeadragon
Texts on this page
D528 - 'phags pa rig sngags kyi rgyal po sgron ma mchog gi gzungs