rKTs

e-texts navigator

Volume

Page

69a₁ sgron ma'i mchog des bdag cag gnyis 'jig rten gyi khams mi mjed 'dir btang ste/ bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma'i mchog des/ bcom ldan 'das la gnod pa chung ngam/ nyam nga ba nyung ngam/
69a₂ bskyod pa yang ngam/ 'tsho'am/ stobs dang / bde ba dang / kha na ma tho ba ma mchis pa la reg par gnas sam zhes snyun gsol lo/ /'di skad ces kyang gsung ngo / /'di na mi'am/ mi ma lags pa'am/ 'byung po'am/ sha za'am/ gnod sbyin nam/ srin po'am/ grul bum mam/ grul
69a₃ bum gyi sde dpon nam/ rgyal po'am/ blon po chen po'am/ chom rkun nam/ sbrul lam/ srin bu'am/ srin bu lu ta'am/ sbrang bu lcags phye'am/ nye ba'i nyon mongs pa gang yang rung bdag 'tshe bar bgyid pa 'ga' yang ma mchis sam zhes gsung ngo / /sems
69a₄ can rnams kyi don dang / sman pa dang / bde ba dang / mdangs dang ldan par bgyi ba dang / gzi brjid dang ldan par bgyi ba dang / grags pa dang ldan par bgyi ba dang / yon tan dang ldan par bgyi ba dang / stobs dang ldan par bgyi ba dang / mdog dang ldan par bgyi ba dang / bsrung ba
69a₅ dang / sba ba dang / bskyab pa'i slad du bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma'i mchog des gzungs kyi gsang sngags kyi gzhi 'di dag kyang bskur te/ 'di lta ste/ dz+wA le dz+wA le/ dz+wA le ga te/ huk+ku/ muk+ku/ saM ma te/ ma hA saM ma te/ ma
69a₆ hA dz+wA le/ dz+wA ba la me/ sa he sa he/ ma hA dz+wA le/ uk+ke/ muk+ke/ sha me/ saM ma he/ ma hA saM ma he/ ma hA sha me swA hA/ de nas bcom ldan 'das kyis tshe dang ldan pa kun dga' bo la bka' stsal pa/ kun dga' bo khyod kyis gsang sngags kyi gzhi 'di dag zung shig /long shig /chong shig /
69a₇ lhogs shig /kun chub par gyis shig /gzhan dag la yang rgya cher rab tu ston cig /kun dga' bo sangs rgyas 'byung ba rnyed par dka'o/ /gzungs kyi gsang sngags kyi gzhi 'di dag rnyed par dka'o/ /kun dga' bo gzungs kyi gsang sngags kyi gzhi dag 'dzin pa yang shin tu rnyed

_{iiif viewer powered by OpenSeadragon}

68b - 69b

Texts on this page