e-texts navigator
Collection
Volume
Page
བོད་ཡིག

68b1 @##/ /rgya gar skad du/ Ar+ya a gra pra dI pa d+hA ra NI bid+ya rA dza/ bod skad du/ 'phags pa rig sngags kyi rgyal po sgron ma mchog gi gzungs/ sangs rgyas dang / byang chub sems dpa' thams cad la phyag 'tshal lo/ /'di skad bdag gis thos pa'i dus gcig
68b2 na/ bcom ldan 'das mnyan yod na rgyal bu rgyal byed kyi tshal mgon med zas sbyin gyi kun dga' ra ba na dge slong stong nyis brgya lnga bcu'i dge slong gi dge 'dun chen po dang / lha dang mi 'bum phrag du ma dang / byang chub sems dpa' 'bum phrag du ma dang / thabs cig tu bzhugs te/
68b3 yongs su bskor cing mdun gyis bltas nas chos ston to/ /sangs rgyas kyi zhing 'di nas sangs rgyas kyi zhing bye ba brgya phrag stong 'das pa na 'jig rten gyi khams me tog mtha' yas zhes bya ba de na de bzhin gshegs pa dgra bcom pa yang dag par rdzogs pa'i sangs rgyas sgron ma mchog
68b4 ces bya ba da ltar yang bzhugs te 'tsho zhing gzhes la chos kyang ston pa des byang chub sems dpa' 'od chen po dang / 'od dpag med ces bya ba byang chub sems dpa' gnyis 'jig rten gyi khams mi mjed 'dir btang ngo / /de nas byang chub sems dpa' de gnyis rgyal bu rgyal byed kyi tshal
68b5 mgon med zas sbyin gyi kun dga' ra ba ga la ba dang / bcom ldan 'das de bzhin gshegs pa dgra bcom pa yang dag par rdzogs pa'i sangs rgyas shAkya thub pa ga la ba der song ste phyin nas/ bcom ldan 'das kyi zhabs la mgo bos phyag 'tshal te/ bcom ldan 'das la lan gsum
68b6 bskor ba byas nas phyogs gcig tu 'dug go/ /phyogs gcig tu 'dug nas byang chub sems dpa' de gnyis kyis bcom ldan 'das la 'di skad ces gsol to/ /bcom ldan 'das sangs rgyas kyi zhing bye ba phrag 'bum 'das pa na 'jig rten gyi khams me tog mtha' yas zhes bgyi
68b7 ba de na bcom ldan 'das de bzhin gshegs pa dgra bcom pa yang dag par rdzogs pa'i sangs rgyas sgron ma mchog ces bgyi ba da ltar bzhugs te/ 'tsho zhing gzhes la chos kyang ston to/ /bcom ldan 'das de bzhin gshegs pa dgra bcom pa yang dag par rdzogs pa'i sangs rgyas



iiif viewer powered by OpenSeadragon

68a - 69a

Texts on this page

D528 - 'phags pa rig sngags kyi rgyal po sgron ma mchog gi gzungs