rKTs

e-texts navigator

Volume

Page

66b₁ dang / rus pa rnams dang / rang gi pags pa rnams kyang byin na/ phyi rol gyi dngos po gzhan dag lta ci smos te/ nga 'gyod par gyur pa yang med do/ /de nas byang chub sems dpa' de dag dang / lha'i dbang po rnams dang / klu'i dbang po rnams dang / gnod sbyin gyi dbang po
66b₂ rnams dang / lha ma yin gyi dbang po rnams dang / mi'i dbang po rnams dang / spyod pa pa dang / kun tu rgyu dang / gcer bu pa rnams kyis de bzhin gshegs pa'i sngon gyi tshul 'di thos nas/ chos kyi shugs kyis mchi ma blags te/ de dag thams cad kyis chos la
66b₃ bzod pa thob par gyur to/ /bcom ldan 'das kyis bka' stsal pa/ grogs po dag chos kyi rnam grangs 'di zung shig /'di ni sems can rnams la de bzhin gshegs pa'i bya ba byed pa yin no/ /de nas bcom ldan 'das la byang chub sems dpa' 'phags pa spyan ras
66b₄ gzigs dbang phyug gis 'di skad ces gsol to/ /bcom ldan 'das chos kyi rnam grangs 'di la dad pa dang / mchod pa bgyid pa dang / 'dzin pa dang / klog pa dang / kun chub par bgyid pa'i sems can de dag ni dkon lags so/ /gang dag gi sug par mchis pa
66b₅ de dag ni sangs rgyas byung ba dang 'dra bar blta bar bgyi'o/ /bcom ldan 'das kyis bka' stsal pa/ rigs kyi bu legs so legs so/ /rigs kyi bu de de bzhin te/ rigs kyi bu'am/ rigs kyi bu mo gang chos kyi rnam grangs 'di la mchod pa byed pa dang / yi ger 'dri ba dang / yi
66b₆ ger 'drir 'jug pa dang / 'dzin pa dang / klog pa dang / chos smra ba de dag la yang me tog dang / bdug pa dang / spos dang / me tog phreng dang / byug pa dang / phye ma dang / gos dang / gdugs dang / rgyal mtshan dang / ba dan rnams kyis mchod pa byed pa de dag ni dkon te/ de
66b₇ dag ni de bzhin gshegs pa dang 'dra ba kho nar blta bar bya'o/ /rigs kyi bu sems can gang dag chos kyi rnam grangs 'di la mchod pa mi byed pa dang / 'dzin par mi byed pa dang / klog par mi byed pa dang / sbyin pa mi byed pa dag 'byung bar 'gyur te/ de dag ni bskal pa du ma dang / bskal pa brgya

_{iiif viewer powered by OpenSeadragon}

66a - 67a

Texts on this page