rKTs

e-texts navigator

Volume

Page

65b₁ gyis chos kyi rnam grangs 'di la gus par bgyis te mnyan par bgyi'o/ /gus par bgyis te yid la bgyi'o/ /bcom ldan 'das sa phyogs gang na chos kyi rnam grangs 'di spyod pa'i sa phyogs de ni de bzhin gshegs pas byin gyis brlabs pa lags so/ /sa phyogs de ni
65b₂ mchod rten du gyur par blta bar bgyi'o/ /sa phyogs de ni lha dang / mi dang / lha ma yin du bcas pa'i 'jig rten gyis phyag bgyi ba'i gnas lags so/ /bcom ldan 'das kyis bka' stsal pa/ rigs kyi bu de de bzhin no/ /de de bzhin te/ rigs kyi bu sa phyogs de ni lha
65b₃ dang / mi dang / lha ma yin du bcas pa'i 'jig rten gyis phyag bya ba'i gnas yin no/ /de nas bcom ldan 'das la byang chub sems dpa' 'phags pa spyan ras gzigs dbang phyug gis 'di skad ces gsol to/ /bcom ldan 'das gang la la chos kyi rnam grangs 'di la yang
65b₄ mchod pa bgyid la 'di'i slad du mchod pa dang bkur sti la brtson pa'i sems kyis sbyin pa yungs 'bru tsam stsal na/ de'i mtshams med pa lnga'i las rnams yongs su zad par 'gyur la/ bskal pa dgu khri'i bar du longs spyod che ba'i rigs rnams su skye bar 'gyur ro/ /bskal pa
65b₅ brgyad khri'i bar du 'khor los sgyur ba'i rgyal por 'gyur ro/ /sangs rgyas kyi zhing yongs su dag pa rnams su skye bar 'gyur ro/ /gshis ngan du 'gum par mi 'gyur ro/ /ngan song du skye bar mi 'gyur/ bsam pa thams cad yongs su rdzogs par 'gyur ro/ /de nas bcom
65b₆ ldan 'das kyis byang chub sems dpa' sems dpa' chen po 'phags pa spyan ras gzigs dbang phyug la 'di skad ces bka' stsal to/ /rigs kyi bu sngon byung ba 'das pa'i dus bskal pa bgrang ba las 'das pa na/ de bzhin gshegs pa chos kyi ye shes mtha' yas pa chags pa
65b₇ med cing rdul dang bral ba'i rgyal po'i tog ces bya ba byung ste/ der ngas bram ze'i gzugs kyis chos kyi rnam grangs 'di thos so/ /thos nas kyang sems can rnams la bshad do/ /der ngas rnyed pa'i mod la chos la bzod pa thob ste/ chos rnams la chos kyi mig rnam par dag go/ /

_{iiif viewer powered by OpenSeadragon}

65a - 66a

Texts on this page