rKTs

e-texts navigator

Volume

Page

101b₁ sarba kAr+ya ma/ da ha da ha/ pa tsa pa tsa/ mA bi lam+ba/ mA bi lam+ba/ sa ma ya ma nu sma ra/ hUM hUM phaT/ s+pho Ta ya s+pho Ta ya/ sarba A sha pa ri pU ra ka/ he b+ha ga bAn kiny+tsi rA ya si ma ma sarbAmar+thaM sA d+ha ya swA hA/ 'di ni bcom ldan 'das 'jam dpal gzhon nur gyur pa'i khro bo chen po gshin rje'i gshed
101b₂ ces bya ba yin te/ gshin rje'i rgyal po yang 'joms pa dang / 'gugs par byed pa yin na/ sems can gzhan lta smos kyang ci dgos/ /khro bo'i rgyal po chen pos gzungs sngags 'di smras ma thag tu sems can thams cad bcom ldan 'das kyi spyan sngar lhags par gyur te/ 'jigs pa dang
101b₃ nyam thag pa dang / dngangs pa dang yid skyo ba dang snying 'gas par 'gyur te/ sangs rgyas bcom ldan 'das dang 'jam dpal gzhon nur gyur pa ma gtogs par skyabs gzhan med skyob pa gzhan med dpung gnyen gzhan med par gyur to/ /de nas gang su dag sa la gnas pa dang chu la
101b₄ gnas pa dang / nam mkha' la gnas pa dang / brtan par gnas pa dang / mi brtan par gnas pa dang / mngal nas skyes pa dang / sgo nga las skyes pa dang / drod gsher las skyes pa dang rdzus te skyes pa'i sems can gyi grangs su gtogs pa/ 'jig rten gyi khams mtha' yas pa
101b₅ dag na rnam par gnas pa steng dang / 'og dang thad ka dang phyogs dang phyogs mtshams dag tu skad cig de dang yud tsam de la gab cing gnas pa dag skad cig de nyid la/ khro bo'i rgyal po chen pos 'di nyid du bkug par gyur to/ /khro bo'i rgyal po'i sngags 'di ni 'dod chags dang ma bral ba rnams kyi
101b₆ mdun du brjod par mi bya ste/ de ci'i phyir zhe na/ de yang 'chi bar 'gyur ba'am/ skam par 'gyur ba'i phyir ro/ /dam tshig la dmigs par byas nas sangs rgyas kyi sku gzugs sam sku gdung dang bcas pa'i mchod rten nam/ 'jam dpal gzhon nur gyur pa'i sku gzugs kyi spyan sngar
101b₇ bzlas par bya'o/ /yang na las gzhan gyi ched du brjod par bya ste/ gang de dang de dag tu ni brjod par mi bya ste/ de ci'i phyir zhe na/ ltas ngan chen po dang / mya ngan chen po dang / bdag nyid 'jigs pa chen por 'gyur ba'i phyir ro/ /thugs rje mchog dang ldan pa'i sangs rgyas

_{iiif viewer powered by OpenSeadragon}

101a - 102a

Texts on this page