| e-texts navigator |
| བོད་ཡིག |
284a1 @##/ /rgya gar skad du/ Ar+ya ta thA ga ta bai DUr+ya pra b+ha nA ma ba la d+ha na sa mA d+hi d+hA ra NI/ bod skad du/ 'phags pa de bzhin gshegs pa'i ting nge 'dzin gyi stobs bskyed pa bai DUr+ya'i 'od ces bya ba'i gzungs/ sangs rgyas dang byang chub sems dpa' thams
284a2 cad la phyag 'tshal lo/ /'di skad bdag gis thos pa'i dus gcig na/ bcom ldan 'das sman gyi gnas na/ dge slong gi dge 'dun chen po dang / byang chub sems dpa'i dge 'dun chen po dang thabs cig tu bzhugs te/ de'i tshe bcom ldan 'das kyis
284a3 sangs rgyas kyi zhing bskul ba zhes bya ba'i ting nge 'dzin la snyoms par zhugs so/ /de ma thag tu stong gsum gyi stong chen po'i 'jig rten gyi khams thams cad rab tu g.yos so/ /lha'i tsan+dan gyi phye ma dang / me tog gi char dpag tu med pa bab bo/ /de bzhin gshegs
284a4 pa bdun po 'khor dang bcas pa 'jig rten gyi khams 'dir gshegs te/ de bzhin gshegs pa'i sngon gyi dge ba'i rtsa ba las byung ba'i seng ge'i khri la bzhugs shing / byang chub sems dpa' thams cad kyis ni bskor/ lha dang / klu dang / gnod sbyin dang /
284a5 dri za dang / lha ma yin dang / nam mkha' lding dang / mi'am ci dang / lto 'phye chen po dang / rgyal po dang / blon po dang / bram ze dang / khyim bdag rnams kyis yongs su bskor bar gyur to/ /de nas sangs rgyas kyi mthus/ 'jam dpal gzhon nur
284a6 gyur pa stan las langs te/ thal mo sbyar nas 'di skad ces gsol to/ /de bzhin gshegs pa thams cad dgongs su gsol/ sems can rnams kyi sdig pa thams cad sbyang ba dang / nad thams cad zhi bar bgyi ba dang / re ba thams cad bskang du gsol/
284a7 bcom ldan 'das de bzhin gshegs pa 'di dag gi mtshan dang / sngon gyi smon lam gyis byin gyis brlabs pa'i gzungs bshad du gsol/ de nas bcom ldan 'das kyis 'jam dpal gzhon nur gyur pa la legs so zhes bya ba byin te/ 'jam dpal legs so
iiif viewer powered by OpenSeadragon
Texts on this page
D505 - 'phags pa de bzhin gshegs pa'i ting nge 'dzin gyi stobs bskyed pa bai DUrya'i 'od ces bya ba'i gzungs