rKTs

e-texts navigator

Volume

Page

194a₁ zhugs pa pad+ma dmar po la rab tu bzhugs pa bri bar bya'o/ /de'i 'og tu mngag gzhug pa mtha' med lag pa na ral gri dang / zhags pa thogs pa de dang 'dra ba bri bar bya'o/ /ras ris 'dir yang las de dag kun bya'o/ /cho ga gzhan yang ri la sogs pa
194a₂ d ben zhing dben pa'i phyogs gcig tu skyil mo krung bcas nas byang chub sems dpa' dang bcas pa'i de bzhin gshegs pa dmigs nas mtshan thog thag skyil mo krung ma bshig par bzlas pa byas na sngon du bsnyen pa ma byas kyang tho rangs sam nam phyed na rig pa 'dzin par
194a₃ 'gyur ro/ /mthu mtshungs pa med pa dang ldan pas phyir mi ldog pa'i rig pa 'dzin pas mchod par 'gyur/ sems can thams cad kyis mchod par 'gyur ro/ /rig pa'i mchog 'di gang gi lag tu thob pa de ni sangs rgyas thams cad kyis byin gyis brlabs par
194a₄ 'gyur ro/ /rdo rje'i rigs thams cad kyis yang dag par bsrungs par 'gyur ro/ /sbyin sreg la sogs pa'i sbyor bas lha dang klu la sogs pa dgug pa dang / gzhan yang yid la gang 'dod pa rtog pa gzhan gyi cho ga bzhin du bsgrub par bya'o/ /de bzhin gshegs pa'i
194a₅ snying po'i cho ga gang yin pa'i dam pa nyis 'gyur du sbyar bar bya'o/ /de bzhin gshegs pa yang dag par 'byung ba zhes bya ba rig pa'i mchog rdzogs so// //de nas byang chub sems dpa' sems dpa' chen po 'khor lo rdo rje zhes bya ba sangs rgyas thams cad kyi
194a₆ yul la rnam par lta ba zhes bya ba'i ting nge 'dzin la snyoms par zhugs so/ /de nas de bzhin gshegs pa thams cad kyi byin gyis brlabs kyis rdo rje shugs kyi yi ge zhes bya ba byung bar gyur to/ /de las ni rig pa'i mchog gi rdo rje'i tshig 'di byung bar gyur to/ /na maH
194a₇ sarba bud+d+ha bo d+hi sa twA nA~M/ oM pi ra dzi bi ra dzi ma hA bi ra dzi satwa sa twa/ sA ra te sA ra te/ trA yi trA yi bi d+ha ma hA tI sa b+tany+dza ni/ tarma ti sid+d+hA a gre traM swA hA/ /'khor lo rdo rje zhes bya ba'i rig pa'i mchog 'di la yang rig pa'i mchog dang po mi mnyam pa dang mnyam pa'i rtog pa'i cho gar

_{iiif viewer powered by OpenSeadragon}

193b - 194b

Texts on this page