| e-texts navigator |
| བོད་ཡིག |
193b1 pas ci srid mtshan ma byung bar gyur gyi bar du bzlas pa bya'o/ /yar ngo'i nya la cho ga snga ma bzhin du nyin zhag gcig smyung bar gnas nas ji skad bstan pa'i rdzas rnams las gang yang rung ba blangs la ci srid 'bar bar gyur gyi bar du bzlas na de nyid kyis rig pa 'dzin par 'gyur
193b2 ro/ /rig pa mchog don yod pa 'di ni rang bzhin gyis grub pa/ thogs pa med pa yid la re ba'i phun sum tshogs pa sgrub par byed pa ste/ ci lta ci ltar rab tu sbyor ba de lta de ltar 'grub par 'gyur ro/ /rang bzhin gyis grub pa bklags pas 'grub pa yin pas bzlas pa tsam
193b3 gyis 'dod pa thams cad byed pa yin no/ /don yod pa'i rtog pa'i cho ga bzhin du sbyar ba'am/ ci ltar 'dod pa bzhin du bsgrub par bya'o/ /yang na ras ris bsgrub par 'dod na bcom ldan 'das pad+ma'i gdan la skyil mo krung gis bzhugs par bya'o/ /bcom ldan 'das
193b4 kyi g.yas phyogs su 'phags pa phyag na rdo rje kun nas 'bar bas bskor ba/ bcom ldan 'das cod pan las byung ba'i 'od zer gyis mngon par dbang bskur ba bri bar bya'o/ /bcom ldan 'das kyi g.yon phyogs su rig pa'i mchog ces bya ba'i rgyal mo gser gyi mdog can ral
193b5 pa dang bcas pa/ gos gtsang ma bgos pa pad+ma'i gdan la bzhugs pa/ bcom ldan 'das la thal mo sbyar ba/ 'od kyi phreng bas brgyan pa'o/ /bcom ldan 'das ma'i 'og tu mtha' med ces bya ba'i 'khor ral gri dang / zhags pa lag na thogs pa/ mdog sngo
193b6 bsangs khros shing 'khrugs pa/ gos dmar ser zung bgos pa/ khro gnyer bsdus pa bgegs thams cad tshar gcod pa/ mdag gzhug pa rin po che'i brag la 'dug pa bri bar bya'o/ /'phags pa phyag na rdo rje'i 'og tu ni sgrub pa po thal mo sbyar ba rin po che'i brag gi
193b7 pad+ma'i sdong bu la bzhugs pa me tog gi 'khri shing gis kun nas bskor ba bri bar bya'o/ /de lta bu'i ras ris kyi mdun du cho ga 'dis ci ltar 'dod par ram/ rtog pa gzhan gyi cho ga dang yang sbyar bar bya'o/ /rig pa mchog gi ras ris gzhan yang ting nge 'dzin la snyoms par
iiif viewer powered by OpenSeadragon
Texts on this page
D502 - dam tshig gsum bkod pa'i rgyal po zhes bya ba'i rgyud