rKTs

e-texts navigator

Volume

Page

191b₁ la/ 'di skad lan brgyad kyi bar du brjod par bya'o/ /na maHsarba bud+d+ha bo d+hi sa twA nAM/ sarba thA ung+ga te s+pha ra Na hI mAM ga ga na kaM sa man+tA ta swA hA/ /de'i rjes la gzhan ma yin par de bzhin du mchod pa rnams de bzhin gshegs pas ci ltar mkhyen pa bzhin du 'byung bar
191b₂ 'gyur ro/ /de nas de bzhin gshegs pa thams cad dang / byang chub sems dpa' thams cad la yon tan bsngags pa mtha' yas pa rab 'byam rgya mtsho rnams bdag gi smon lam gyi stobs dang / bsod nams kyi stobs dang / de bzhin gshegs pa rnams kyi byin
191b₃ gyis brlabs kyis 'byung bar gyur cig ces bsams la sngags 'di lan brgyad kyi bar du brjod par bya'o/ /na maHsarba bud+d+ha bo d+hi sa twA nAM/ sarba trAM saM ku su mi tA a b+hi dz+nyA na rA shi ni na mo stu te swA hA/ de nas bstod pa yang dag par brjod pa'i rgya mtsho rnams de bzhin gshegs
191b₄ pa rnams kyis ci ltar mkhyen pa bzhin du 'byung bar 'gyur ro/ /de nas sangs rgyas dang byang chub sems dpa' thams cad kyis thams cad tu sdug bsngal bar gyur pa bdag la byin gyis brlab tu gsol/ bdag la dngos grub dang mchog stsal du gsol zhes tshig tu brjod par
191b₅ bya'o/ /de nas sems can thams cad kyis dge ba'i rtsa ba'i tshogs zag pa med pa rnal 'byor las yang dag par byung ba rab tu thob par gyur cig ces kyang brjod do/ /de bzhin du mtha' dang dbus med pa'i sems can thams cad la phan pa dang bde ba sbyin par yid la
191b₆ byas nas de lta bu'i sprul pa'i sprin mngon par sgrub par byed pa'i sbyor bas bstan pa'i de bzhin gshegs pa'i snying po'i sngags lan brgyad kyi bar du brjod par bya'o/ /de nas sangs rgyas dang byang chub sems dpa' thams cad la phyag 'tshal zhing dmigs la bzlas pa goms
191b₇ par byas nas/ sangs rgyas dang byang chub sems dpa' rnams kyis bla na med pa yang dag par rdzogs pa'i byang chub sgrub par gyur pa dang / sangs rgyas kyi chos thams cad grub par gyur pa de dag la rjes su yi rang ba la dmigs pa'i sems kyis goms par byas

_{iiif viewer powered by OpenSeadragon}

191a - 192a

Texts on this page