rKTs

e-texts navigator

Volume

Page

189b₁ mang po dang / rin po che dang / nor bu yod pa'i sa phyogs dang / yo byad dang / longs spyod nye bar stobs par byed do/ /'di lta ste yang lha'i bu dbang phyug ces bya ba yod de des yid ltar mgyogs pa zhes bya ba'i rig pas stong gsum gyi stong chen po'i 'jig rten gyi khams
189b₂ kyi las su bya ba byed cing yo byad dang longs spyod mngon par sprul nas gnas gtsang ma'i ris kyi lha'i bu rnams la yang nye bar stobs par byed do/ /'di lta ste yang rig pa 'dzin pa zhes bya ba'i sngags kyis gos dang / btung ba dang / gzhal yas khang dang /
189b₃ skyed mos tshal dang / dri dang / me tog dang / phye ma dang / phreng ba la sogs pa mngon par sprul nas yongs su longs spyod par byed cing gzhan dag la ster bar byed do/ /'di lta ste yang mig 'phrul rnam pa sna tshogs pa'i mig 'phrul mkhan zhes bya bas rnam pa sna tshogs
189b₄ pa'i mig 'phrul ston par byed do/ /'di lta ste yang lha ma yin rnams sngags kyi sgyu ma byed par 'gyur ro/ /'di lta ste yang sman pas sngags kyis sems can mang po rnams kyi rims sel bar byed cing / dang dug dang nad rnams sel bar byed do/ /'di lta
189b₅ ste yang sngags kyis me'i dro ba med par byed cing grang ba yang dro bar 'gyur ro/ /'di lta ste yang mngon par gnod par byed pas rims kyis 'dzin par byed do/ /'di lta ste yang ma mo'i rtog pas sems can mang po rnams la gsod pa dang rnam par 'tshe bar byed do/ /gzhan
189b₆ yang sdig pa rnams la sdig pa'i sngags kyis sdig pa la sbyor bar byed do/ /gzhan yang gnod sbyin gyi sems rnam par g.yo bar byed pa'i sngags kyis sems dga' ba dang yid bde ba la sogs pa dang gzhan dag kyang byed par 'gyur ro/ /de lta bu la sogs pa'i nges
189b₇ par ston pa ni sngags kyi stobs yin par blta bar bya'o/ /gsang sngags de'i stobs ni gsang sngags nyid las 'byung ba yang ma yin/ sems can las 'jug pa yang ma yin sbyor ba byas pa yang mi dmigs mod kyi sngon gyi bsnyen pa'i cho ga las gsang sngags kyi stobs kyi

_{iiif viewer powered by OpenSeadragon}

189a - 190a

Texts on this page