rKTs

e-texts navigator

Volume

Page

185b₁ dur khrod du 'bum bzlas na rdo rje 'dzin 'ongs nas lag pa nas bzung ste lcang lo can du 'dren par byed do/ /des rdo rje'i rigs kyi gzhon nur gyur pa thob par 'gyur ro/ /rig pa 'dzin pa'i sa dngos po ral gri la sogs pa la bsnyen pa byas pa des rig pa 'dzin par 'gyur ro/ /rgya
185b₂ mtshor zhugs nas 'bum bzlas na klu'i rgyal po rgya mtsho'i gnas su phyin par 'gyur zhing klu'i rgyal po rgya mtsho mthong bar 'gyur ro/ /phyir mi ldog pa'i byang chub sems dpa'i lus rab tu thob par 'gyur ro/ /yid bzhin gyi nor bu'am rdo rje'am ral gri'am 'khor lo'am rin po che la
185b₃ sogs pa de rnams kyi rig pa 'dzin par 'gyur zhing / sangs rgyas kyi zhing mang por 'gro ba dang 'ong nus par 'gyur ro/ /klu'i rigs thams cad blo mthun par 'gyur ro/ /char chen po rnam pa sna tshogs pa mngon par 'bab par 'gyur ro/ /klu'i mtshe'u gang du 'bum bzlas na
185b₄ klu'i gnas der rab tu 'jug par 'gyur zhing / der gang 'dod pa de rnyed par 'gyur ro/ /gang gAr zhugs shing 'bum bzlas la 'bum yongs su rdzogs nas de nyid du mchod rten brtsigs la sbrang rtsi dang 'o ma dang yungs kar dang bcas pas sbyin sreg byas na/ klu thams cad skrag pas
185b₅ lhags par 'gyur zhing gang smras pa de byed par 'gyur ro/ /dur khrod du yungs kar gyis sbyin sreg byas na gnod sbyin gong ma bzhin byed par 'gyur ro/ /ri'i lha la 'bru mar dang tsan+dan gyi sbyin sreg gis sam nags kyi gnas su rig pa 'dzin pa la sbrang rtsi dang pi pi ling gi sbyin sreg
185b₆ byas na thams cad 'dus par 'gyur zhing dus thams cad du rjes su dran pa tsam gyis rang gi bka' lung sgrub par byed do/ /shing gi grib mas shing gzhan la ma phog pa ni shing gcig go/ /shing gcig gi drung du rjes su dran pas mchod rten byas shing 'bum bzlas la mdun du a shwat+tha
185b₇ las byas pa'i rtse gsum pa byas la nyin mtshan smyung bar 'dug ste/ nya la dris bskus shing ci 'byor pa'i mchod pa byas nas ji srid 'bar bar gyur gyi bar du mtshan rangs pa bsgrub pa byas na gdul dka' ba 'dul bar byed pa byang chub sems dpa'i spyad pa spyod pa de gling bzhi pa'i lha'i

_{iiif viewer powered by OpenSeadragon}

185a - 186a

Texts on this page