rKTs

e-texts navigator

Volume

Page

182a₁ yongs su 'gengs par byed/ yongs su smin par byed/ rnam par 'dul bar byed/ nges par sbyong bar byed/ kun du sbyor bar byed/ rnam par 'phel bar byed/ dga' bar byed/ so sor 'god par byed/ rnam par grol bar byed/ byang chub kyi theg pa la lhag par
182a₂ 'dzeg par byed/ myur du lhag par 'dzeg pa'i sa dang pha rol tu phyin pa'i man ngag kyang ston par byed/ mdor na mthar gyis byang chub la gzhol zhing so sor 'god par byed/ dge ba sgrub pa la gnas pa skyed par byed/ sdug bsngal dang nyon mongs pa zad par byed/ rnam par 'joms
182a₃ par byed/ rnam par sel bar byed/ 'dren par byed/ 'joms par byed/ mdor na rang gi smon lam gyi stobs dang bsod nams dang ye shes kyi stobs dang de bzhin gshegs pa'i byin gyis brlabs kyi stobs kyis sems can gyi khams thams cad du de bzhin gshegs pa'i mdzad
182a₄ pa yang byed par 'gyur ro/ /'dir yang sems can sdug bsngal ba rnams kyi don yongs su mi nyams par bya ba'i cho ga bshad par bya ste/ sngags 'dzin pas dang por re zhig byang chub tu sems bskyed pa'i rigs kyi bu'am rigs kyi bu mo byis pa so so'i skye bo'i sa las 'das pa
182a₅ dang de bzhin gshegs pa'i byin gyi brlabs rnyed pa 'di nyid la bdag nyid dad par bya'o/ /sgrub pa po'i rigs kyi bu'am rigs kyi bu mos snga dro dang po la sangs rgyas dang byang chub sems dpa' 'khor dang bcas pa thams cad la bdag nyid dbul bar bya ste/ bdag ming che ge mo zhes
182a₆ bgyi ba chos kyi dbyings su gtogs pa'i sangs rgyas dang byang chub sems dpa' 'khor dang bcas pa thams cad la bdag dbul bar bgyi'o/ /thugs rje chen po dang ldan pa de rnams kyis kyang bdag la rnam pa thams cad dang dus thams cad du byin gyis brlab pa dang yongs su bzung bar
182a₇ gyur cig / bdag la grub pa dang mchog stsol cig /de nas sdig pa so sor bshags par bya ste/ 'dod chags dang zhe sdang dang gti mug las skyes pa'i sdig pa thams cad so sor bshags par bgyi'o/ /sangs rgyas dang byang chub sems dpa' rnams kyis thugs bskyed

_{iiif viewer powered by OpenSeadragon}

181b - 182b

Texts on this page