rKTs

e-texts navigator

Volume

Page

181b₁ la k+Sha Ne dz+wa la dz+wa la na/ sA ga re swA hA/ de la rigs kyi bu de bzhin gshegs pa'i snying po 'di ni sangs rgyas thams cad kyis byin gyis brlabs pa yin te/ byang chub sems dpa' thabs dang shes rab dang ldan pa sngags kyi sgor byang chub sems dpa'i spyad pa spyod pa
181b₂ 'dis las gang zhig byed par 'gyur ba de ni bskal pa brgyar yang de bzhin gshegs pas bstan par mi spyod kyi/ gzhan du mdor bsdus nas gsungs pa yin no/ /'dis skyes bu dam pa de ni sgo mtha' yas pas sems can thams cad kyi rjes su 'gro zhing de bzhin
181b₃ gshegs pa thams cad la lhag par dmigs pa'i rnam par thar pa'i sgo la sogs pa rnam par thar pa'i sgo sna tshogs pa'i rjes su zhugs pa/ sems can 'dul ba'i sbyor ba rnam pa sna tshogs pas gnas pa'i ting nge 'dzin gyis rnam par rtse ba/ las thams cad rjes su dran
181b₄ pa'i cho ga yang dag par sbyor ba'i gzungs thob par 'gyur zhing sems can gyi khams dang mos pa dang rjes su mthun pa'i gzugs sna tshogs pa mngon par sgrub par 'gyur ro/ /sangs rgyas dang byang chub sems dpa' thams cad kyis byin gyis brlabs kyi stobs dang stobs sna tshogs
181b₅ mngon par sgrub par byed pa'i sgo sangs rgyas rjes su dran pa'i mos pas snying po 'di bzlas na gzugs sna tshogs mthong bar 'gyur ro/ /mdor bsdus na sangs rgyas 'byung ba'i 'jig rten gyi khams sna tshogs pa yang mthong bar 'gyur ro/ /de bzhin gshegs pa'i gsung gi 'khor
181b₆ lo'i dkyil 'khor yang sgra 'byin par 'gyur ro/ /gser dang nor bu dang mu tig la sogs pa'i char yang mngon par 'bab par 'gyur ro/ /sems can gyi khams thams cad du rnams la bza' ba dang bca' ba dang btung ba yang mngon par rab tu 'bab par 'gyur ro/ /dmyal
181b₇ ba rnams kyi grang ba la dro ba yang yang dag par skyed par byed do/ /dud 'gro rnams kyi gcig la gcig za ba'i sdug bsngal yang rab tu zhi bar byed do/ /sems can mos pa'i sgo sna tshogs pa'i yul can gyi sems can gyi khams rnam par sbyong bar byed do/ /byin gyis rlob par byed/

_{iiif viewer powered by OpenSeadragon}

181a - 182a

Texts on this page