| e-texts navigator |
| བོད་ཡིག |
170b1 phyag 'tshal la sogs bdun rnam dag /de nas ye shes sems dpa' la/ /me tog gtor zhing bstod pa bya/ /phyag 'tshal bskor ba bdun rnam dag /byas nas ye shes dbab par bya/ /gnas gsum yi ge gsum bsams la/ /sngags 'di yang ni brjod par bya/ /
170b2 A be sha ya staM b+ha ya rA rA tsA la ya tsA la ya hU~M AHoMdzaiH/ de nas dkyil 'khor brtan byas la/ /rig pa'i dbang ni cho ga bzhin/ /de nas sngags kyi rjes gnang sbyin/ /rnal 'byor snying ga'i sa bon las/ /sngags kyi 'od kyis ye shes bskul/ /ye shes ljags las 'od
170b3 byung las/ /snod gyur lce la thim par bsam/ /bsgrub pa'i rdzas kyi bkra shis brjod/ /rdo rje sa 'og gi rgyud las dkyil 'khor gyi le'u ste bzhi pa'o// //de nas byang chub sems dpa' phyag na rdo rjes rdo rje 'dzin pa la mchod cing phyag 'tshal nas gsol ba
170b4 btab pa/ snying po kun la phan gdags dang / /sangs rgyas bstan la gzhug don du/ /gnod sbyin bsgrub par bya ba ni/ /rdo rje chen pos bshad du gsol/ /de nas ston pa rdo rje 'dzin/ /sems can kun la phan don du/ /gnod sbyin bsgrub par bya ba ni/ /gsung ni
170b5 'di skad bka' stsal to/ /rdo rje slob dpon smod pa dang / /theg pa che la smod pa dang / /de bsgrub pa la snying nas brnyas/ /sgrub pa 'di ni brtsam par bya/ /de la ri rab kyi 'og na las kyi gnod sbyin gyi lus blangs la gdong bzhi lag pa bzhi yod pa gdong dang po bcom ldan
170b6 'das kyi sngags zlos pa/ gnyis pa na rang gi srog snying zlo ba/ gsum pa na me lce'i dbugs 'byung / bzhi pa na sha dang khrag zab yod/ de sgrub pa'i thabs bshad kyis legs par nyon la yid la zung shig /rdo rje 'dzin pa'i ting 'dzin gyis/ /sngags kyi rgyal po
170b7 'bum bzlas la/ /'byung ba bzhi yi dkyil 'khor bri/ /de yi steng du khrag chen gyis/ /pad+ma 'dab ma bcu drug pa/ /btson dong tshul du bri bar bya/ /dar sngon de yi nang du bting / /dbus su mi yi sha dang khrag /dang po khyi ste gnyis pa phag /gsum par rna can zangs
iiif viewer powered by OpenSeadragon
Texts on this page
D499 - 'phags pa lag na rdo rje gos sngon po can rdo rje sa 'og ces bya ba'i rgyud