| e-texts navigator |
| བོད་ཡིག |
168b1 kar rdo rjer bskyed la brab/ /de nas byang chub sems dpa' phyag na rdo rjes rdo rje 'dzin pa la mchod cing phyag 'tshal nas ched du brjod pa/ e ma'o ston pa rdo rje 'dzin/ /sems can rnams la phan don du/ /tshar gcad rjes gzung gsungs pa mtshar/ /dbul dang yi
168b2 dgas gnas las thar/ rdo rje sa 'og gi rgyud las nor bsgrub pa dang gnod pa bzlog pa ste le'u gnyis pa'o// //de nas byang chub sems dpa' phyag na rdo rjes rdo rje 'dzin la mchod cing phyag 'tshal nas gsol ba btab pa/ klu dang gnod sbyin sa bdag
168b3 gi/ /mdze dang dmu chu ji ltar bzlog /de nas rdo rje 'dzin rgyal pos/ /gsung ni 'di skad bka' stsal to/ /mdo sdes ni las kyi rnam par smin pa mi zlogs la sngags kyis bzlog pas khyad par du 'phags so/ /de la klu zhes bya ba nyon mongs pa gti mug shas che
168b4 bas chags pa dang zhe sdang yang che ste/ gti mug gi dbang gis gnyid che ba dang / zhe sdang gi dbang gis skye ba bdun du mi gtong ba dang / chags pa'i dbang gis chags pa la gnas pa'i lus la zhugs nas mi gtong ba'o/ /klu gdol pa can gyis mthong ba tsam gyis nad
168b5 bskyed do/ /rigs gsum ni reg pa tsam gyis nad bskyed do/ /klu bran rnams ni steng sgo gsum nas zhugs nas lus kyi bcud za bar byed do/ /byang chub sems dpa' phyag na rdo rjes gsol pa/ de rnams ji ltar 'dul bar bgyi/ de nas bcom ldan 'das klu
168b6 'gugs par byed pa zhes bya ba'i ting nge 'dzin la snyoms par zhugs nas sngags 'di gsungs so/ /nA ga bi dA ra NA dzaH/ nA ga ut+sA da na ya dzaH/ sbyor ba gsum la legs gnas pas/ /'jigs pa'i gzugs kyis 'gugs par 'gyur/ de nas bcom ldan 'das
168b7 kyis klu 'dul bar byed pa zhes bya ba'i ting nge 'dzin la snyoms par zhugs te/ nyid kyi dbugs las sngags 'di rnams phyung ngo / /tad+ya thA/ bud d+ha bud d+ha/ bi bud d+ha bi bud d+ha/ mA ti kra ma tha/ ha ra ha ra nA ga nAM/ pra ha ra pra ha ra nA ga nAM/ ts+tshin+da ts+tshin+da nA ga hr-i da yA ni/ b+hin+da
iiif viewer powered by OpenSeadragon
Texts on this page
D499 - 'phags pa lag na rdo rje gos sngon po can rdo rje sa 'og ces bya ba'i rgyud