rKTs

e-texts navigator

Volume

Page

162a₁ mo mA ra ya phaT swA hA/ gtso bo ji ltar 'khor kyang de/ /rang gi rig pas mchod par bya/ /rig pa kun tu brtan byas nas/ /rdul phran bzhin du brlag par bsam/ /phrin las bcol la gtor ma btang / /gtor dang gtor ma'i rim pa ni/ /bzhin
162a₂ du dbul bar bya/ /zhi ba'i las kyi rim pa ni/ /thab khung mtho gang tshad nyid la/ /bsreg rdzas la sogs rab tu dbul/ /lus ngag yid gsum sdig bcom nas/ /ye shes me yi ngo bor bya/ /snod dang thab ni dor bar bya/ /der ni gdon rnams kun sreg cing / /bgegs
162a₃ chen zhi ba'i yas kyang bya/ /rgyas dang dbang du bya ba la/ /las dang bye brag rim pa rnams/ /sngar bshad pa yi las bzhin du/ /thab dbyibs bye brag shes par bya/ /ser dang dmar ba'i bud shing sogs/ /rim pa rdzas ldan dbul ba ni/ /o~M bai shra ba NA ya d+ha na~M puSh+Ti~M ku ru
162a₄ ye swA hA/ o~M bai shra ba Na ba sha~M ku ru swA hA/ o~M bai shra ba NA ye shIn+ta kuM ru swA hA/ gtso bo ji bzhin 'khor bcas ni/ /rig pa'i rdzas kyis mchod par bya/ /bsreg pa'i rdzas ni bag zan dang / /yungs kar mngar sogs rim pas mchod/ /phrin las rnam bzhi kun 'grub ste/ /
162a₅ brtse bar brtson pas nye bar 'grub/ /'bring dang tha mas 'bring dang ni/ /tha ma nyid du shes par gyis/ /de nas bcom ldan 'das la rnam thos kyi bu 'khor dang bcas pa rnams kyis 'di skad ces gsol to/ /bcom ldan 'das bdag cag rnams kyis bshad pa'i las 'di rnams sgrub
162a₆ pa po des dus rgyun du bcom ldan 'das phyag na rdo rje dang / gnod sbyin rnams la dkar gsum gyis mchod par bya'o/ /chang kun tu spang bar bgyi'o/ /sha rnams ni 'os pa dang shis pa drang bar bya'o/ /de ltar rtse gcig gis bdag cag sgrub pa de rnams kyi phrin las ji lta ba bzhin du
162a₇ bdag cag gis ma bsgrubs na bdag cag gis bcom ldan 'das la 'khus par gyur cing / bdag cag gis chos ma bskyangs par byas pa yin no/ /de la bdag gi bro tshig ni 'di yin no/ /o~M bai shra ba Na ar tha kha tham zhes pa'o/ /de nas bcom ldan 'das kyis bka' stsal pa/

_{iiif viewer powered by OpenSeadragon}

161b - 162b

Texts on this page