rKTs

e-texts navigator

Volume

Page

161a₁ ting nge 'dzin la snyoms par zhugs nas sku'i ba spu nas 'od zer spros te/ rnam thos sras 'khor bcas kyi thugs bskul nas 'khor der 'dus te/ bcom ldan 'das la phyag 'tshal te rin po che'i phye mas gtor nas 'di skad ces gsol to/ /bcom ldan 'das
161a₂ bdag ni chos skyong ba'i rgyal po rnam thos kyi bu zhes bgyi ba lags te/ bdag gis chos dang ldan pa rnams kyi chos bsrung zhing yun ring du gnas par bya ba'i phyir bdag nyid kyis gsang ba bshad na bcom ldan 'das kyis skabs dbye bar ci gnang zhes gsol to/ /bcom ldan
161a₃ 'das kyis bka' stsal pa/ rgyal po chen po legs so/ /rang gi gsang ba legs par shod cig /ngas kyang rjes su yi rang zhing byin gyis brlab par bya'o/ /rdo rje 'chang ba kun gyis kyang byin gyis rlob par 'gyur gyis khyod kyis legs par smros shig ces bka' stsal
161a₄ to/ /de nas rnam thos kyi bu rang gi stan las langs te bcom ldan 'das la phyag 'tshal nas rang gi rig pa 'di smras so/ /o~M bai shra ba NA ya hU~M hU~M/ pa tsa pa tsa/ ts+tshin+da ts+tshin+da swA hA/ zhes brjod nas bcom ldan 'das la 'di skad ces gsol to/ /bcom ldan 'das bdag
161a₅ gi sngags 'di'i sgrub pa ni 'di lags te/ gang zhig bdag sgrub par 'dod pa des dus gsum du mchod pa rgya chen po bshams te/ bdag 'khor dang bcas pa mchod la sems rtse gcig dang ldan pas gnas dben par 'dug ste/ bcom ldan 'das phyag na rdo rje sgom pa pos
161a₆ bdag gi sngags de khri phrag gcig bzlas/ de nas las rnams bsgrub par bya'o/ /de ltar bdag sgrub pa dang bdag gi las sgrub pa po des bdag 'khor dang bcas pa la gtor ma dang mchod pa rgya chen pos mchod par bya'o/ /de la bdag dang bdag gi 'khor rnams la
161a₇ mchod pa dang gtor ma rgya chen po dbul ba'i sngags ni 'di rnams yin te/ o~M bai shra ba NA ya swA hA/ o~M dzam d+ha lA ya swA hA o~M pUr+Na b+ha drA ya swA hA/ o~M ma Ni p+ha drA ya swA hA/ o~M ku be rA ya swA hA/ o~M sa~M pra dz+nA nA ya swA hA/ o~M gu h+ya s+thA nA ya swA hA/ o~M pAny+tsi kA ya swA hA/

_{iiif viewer powered by OpenSeadragon}

160b - 161b

Texts on this page