| e-texts navigator |
| བོད་ཡིག |
9b1 rnams kun gyis rnam par brgyan/ /phyag tu ut+pal dmar po ni/ /sangs rgyas thams cad rab bsgoms pa'o/ /chos kyi ye shes byed pa mchog /gsang ba dam tshig rdo rje can/ /mkha' dbyings rdo rje'i dbus chud par/ /zla ba'i dkyil 'khor dam pa bsam/ /sangs
9b2 rgyas gzugs ni rnam bsgoms la/ /sgrol ma mchog ni bsam par bya/ /zhal mdzes spyan ni yangs pa dang / /sna tshogs rgyan gyis rab tu brgyan/ /kha dog ser po nyid bsam zhing / /bud med sgyu ma'i dregs bor ba/ /phyag tu ut+pal dam pa ni/ /ser po snang ba bsgom
9b3 par bya/ /rdo rje nyid 'dzin las byung ba/ /sems can kun gyis phyag byas pa'o/ /o~M ru ru s+phu ru dz+wa la tiSh+Tha sid d+ha lo tsa ne/ sarba ar+tha sA d+ha ni swA hA/ o~M shaM ka re shAn+ti ka re g+h+ruT+Ta g+h+ruT+Ti ni/ g+hA ta ya g+tA ta ya g+hu T+Ti ni swA hA/ o~M ka Te bi ka Te ni ka Te ka Ta~M ka Te swA hA/ o~M tA re tu t+tA re
9b4 tu re swA hA/ rig pa'i lha mo bzhi'o/ /sku ni lus kyi ngo bo yis/ /thugs ni sems kyi rnam pa nyid/ /gsung ni ngag gi rnam pa yin/ /mchod na mchod pa'i bdag nyid 'gyur/ /sku gsung thugs kyi gsang ba ni/ /mkhas pa yis ni bsrung bya ste/ /bsrungs na mchog
9b5 tu gsang ba ni/ /rtag par kun tu 'byung bar 'gyur/ /dngos po yongs su dag pa ni/ /med pas kun tu brtag mi 'byung / /rnal 'byor pa yis rnal 'byor thob/ /tshogs med yang dag mi mthong ngo / /de bas gsang ba'i ye shes 'byung / /rnal 'byor kun tu
9b6 'byung bar 'gyur/ /shes rab pha rol phyin pa'i thabs/ /ting 'dzin ye shes brtags pa yin/ /chos rnams thams cad rnam dag pa/ /dag pa nyid du gyur pa ni/ /ji ltar lha yi nor bu ni/ /rang gi 'od kyis rtag tu snang / /srid pa yongs su dag pa yang / /
9b7 rnal 'byor rnal 'byor thob byed yin/ /rdo rje dbyings ni gsang chen du/ /gang zhig dbang bskur mkhas pa la/ /thugs kyi gsang ba'i rnal 'byor mchog /mkhas pas de la bshad par bya/ /thams cad gsang ba zhes bya ba'i rgyud kyi rgyal po rdzogs so// //
iiif viewer powered by OpenSeadragon
Texts on this page
D481 - thams cad gsang ba zhes bya ba rgyud kyi rgyal po