| e-texts navigator |
| བོད་ཡིག |
6b1 dgyes pas legs so zhes bya ba/ /spras pas rin po che ru bshad/ /gzi brjid ces bya nyi ma yin/ /bsgreng bas tog tu bshad pa ste/ /rnam par 'byed pas bzhad par bshad/ /'dod chags dag pa pad+ma yin/ /nyon mongs dgra bcom ral gri ste/ /dkyil
6b2 'khor sbyor bas 'khor lo yin/ /gang gi brjod pas smra bar bshad/ /kun nyid sna tshogs rdo rje yin/ /gzhig dka'i sbyor ba go cha yin/ /'jigs pa'i spyod pa'i mche ba ste/ /phyag rgya'i sbyor nyid bcing ba yin/ /dkyil 'khor du ni gang bshad pa/ /yid kyi dkyil
6b3 'khor dam pa yin/ /gzhal yas khang ni ye shes te/ /sems kyi brtsegs pa bsgreng ba yin/ /phyi yi gru bzhi ba gang yin/ /tshad kyis mnyam pa nyid gyur pa/ /byams pa la sogs sems gang yin/ /thig bzhi zhes ni bshad pa yin/ /chos kyi sbyor ba rjes dran nyid/ /
6b4 gang de rdo rje thig tu bshad/ /lta ba kun las rnam grol ba/ /ye shes thig tu bshad pa yin/ /tshul khrims tshogs kyi dam pa ni/ /gang zhig rgyan du bshad pa yin/ /dad dbang la sogs sems gang yin/ /ra ba lngar ni yang dag byung / /rnam par thar pa bzhi po ni/ /sgo
6b5 rnams su ni yang dag bshad/ /yang dag spong ba bzhi po ni/ /rta babs rnams dag ka bar byung / /dran pa nyer gzhag bzhi po ni/ /khyams rnams bzhi por shes par bya/ /rdzu 'phrul rkang pa bzhi po ni/ /de ni sgo khyud rnam bzhi yin/ /byang chub yan lag bdun po ni/ /
6b6 phreng ba me tog chun brgyan pa/ /'phags lam yan lag brgyad po ni/ /ka ba brgyad ces bya bar bshad/ /sgrib pa gnyis las rnam grol zhing / /ting 'dzin ye shes kyis brtags pa/ /lam gyi ye shes khyad par rnams/ /rnga yab ces ni yang dag bshad/ /nyon
6b7 mongs thams cad des gcod cing / /nyon mongs 'phrog pas dra ba ste/ /yang dag gcod cing spong ba nyid/ /sel ba'i spong ba la gnas pa/ /tshogs gnyis kyi ni sbyor ba nyid/ /nyon mongs pa yi phyed 'phrog pa/ /dra ba phyed ces bya bar bshad/ /rang bzhin 'od gsal gang
iiif viewer powered by OpenSeadragon
Texts on this page
D481 - thams cad gsang ba zhes bya ba rgyud kyi rgyal po