| e-texts navigator |
| བོད་ཡིག |
15a1 gnam dal dang ni nad dag dang / /mkha' 'gro ma dang gdon drag rnams/ /bzhag gam yang na bri bar bya/ /chos min can ni gzhig phyir ro/ /de yi phyi rol du dgod pa/ /gtor ma sna tshogs mchog rnams so/ /de nas dkyil 'khor chen po'i cho
15a2 ga 'byung ste/ de la thog ma nyid du slob dpon gyis de bzhin gshegs pa thams cad la phyag 'tshal te 'jug pa ni/ gtsang mas gos gtsang ma bgos la/ se ral thag gu dmar po thogs nas rdo rje 'dzin ma'i phyag rgya bcings la de'i steng du dri zhim po'i me tog bzhag
15a3 nas/ snying po 'di brjod la zhugs shig /o~M badzra pra tIts+tsha ma~M ha ha ha ha hi/ de nas pus mo g.yas pa'i lha nga sa la btsugs nas du ru ska'i bdug pa 'am ci bdog pas gsol to/ /rdo rje 'dzin ma mdzub mo gnyis kyo ba tang du byas la snying po ni 'di brjod do/ /o~M u ru
15a4 gra gra bi ri Ni bi ri Ni/ badzra ma ya hi/ b+hi da ye swA hA/ nyi shu rtsa gcig bzlas na/ de las mtshan ma 'byung ba ni ba spu g.yo ba la sogs pa dang sa g.yo ba'am dri zhim po'am 'od zer mthong ba'o/ /de nas phyag na rdo rje'i spyi bor me tog gtor cig /de nas slob ma
15a5 gzhug ste/ de la thog ma nyid du bkrus nas slob ma gos gtsang ma bskon te gsum la skyabs su btang ba dang / bslab pa'i sdom pa 'dzin pa la so sor gnas par byas nas byang chub kyi sems skyed cig /de nas gdong ras kyis g.yogs nas mgo gtsug tor du byas
15a6 te/ rdo rje 'dzin ma'i phyag rgya bcings la chug cig /bcug nas me tog gtor te/ de nas gang la bab pa ni de'i lha'o/ /de nas gdong bcings pa bkrol nas rang gi rig pa'i lha ston la/ de la mchod cing slob dpon la yang ci 'dod pa'i yon phul nas/ de rang gi
15a7 rig pa'am sngags bzlas te phyag rgya yang bcing ngo / /'jig rten gsum las rnam par rgyal ba'i rtog pa chen po'i rgyal po las/ 'jig rten gsum gyi 'khor lo zhes bya ba'i dkyil 'khor chen po'o// //de nas rdo rje'i dkyil 'khor 'byung ste/ rdo rje'i phreng ba mnyam
iiif viewer powered by OpenSeadragon
Texts on this page
D482 - 'jig rten gsum las rnam par rgyal ba rtog pa'i rgyal po chen po