| e-texts navigator |
| བོད་ཡིག |
14b1 bre ba'i cho ga ni 'di lta ste/ /gsar zhing legs par byas pa dang / /tshad ma bzang po srad bu yis/ /shes rab can gyis srad bre ba/ /'jig rten gsum rgyal dran zhing ngo / /de yi dbung du gdab pa ni/ /seng ldeng phur pa brten par ro/ /de las srad bu bre gsungs pa'i/ /srad
14b2 bu nyis ldab kyis byas te/ /bcu drug cha ru bgo bar bya/ /thams cad du ni rim gsum mchog /kho ra khor yug rigs dag kyang / /phur bu yis ni de bzhin no/ /de yi nang du bya ba ni/ /srad bu rim bdun ldan bar te/ /tshon ser dri zhim ldan pa yis/ /thig rnams
14b3 kyang ni gdab par bya/ /de yi dbus su gzhag pa ni/ /shin tu bkrabs pa'i nas phul bzhi'o/ /de yi steng du mgon po ste/ /sangs rgyas gzugs brnyan gzhag par bya/ /sangs rgyas thad 'khor thams cad du/ /byang chub brgyad ni rim bzhin par/ /bri'am yang
14b4 na gzhag par bya/ /tshon sna lnga mchog rnams kyis so/ /sangs rgyas spyan snga de ru ni/ /phyag na rdo rje de bzhin no/ /bri'am gzhag par bya ba ni/ /rdo rje hU~M zhes par 'dus so/ /de yi zhabs ni g.yon pa yis/ /dbang phyug chen po mnan par bya'o/ /g.yas pa'i
14b5 zhabs kyis btsir ba ni/ /nyon mongs ma yin lha mo'o/ /'dod drug spyod pa'i lha rnams dag /srad bu rim bdun bar dag tu/ /bri 'am yang na gzhag par bya/ /rdo rje shugs kyis 'gongs nas su/ /phyi rol byung nas de ru yang / /gling rnams bzhi yang bri bar bya/ /
14b6 dbyibs dang cho ga ji bzhin du/ /grwa yi ri mo legs par dgod/ /gling rnams dbus ni thams cad du/ /'jig rten ji bzhin ba sogs par bya'o/ /tshangs pa la sogs bzhi yi rnams/ /de ru 'jig rten dbang po bri/ /kho ra khor yug ri dang ni/ /gling rnams kyi yang
14b7 bar dag tu/ /phyi yi rdo rje'i rigs rnams kyi/ /dkyil 'khor yang dag bri bar bya/ /sgo srung bri bar bya ba yang / /rdo rje sgo bzhi de dag tu/ /rdo rje kyo ba zhags pa dang / /sgrog dang dril bu de bzhin no/ /kho ra khor yug ri yi ni/ /phyi rol dmyal ba brgyad rnams so/ /
iiif viewer powered by OpenSeadragon
Texts on this page
D482 - 'jig rten gsum las rnam par rgyal ba rtog pa'i rgyal po chen po