| e-texts navigator |
| བོད་ཡིག |
10a1 rgya gar gyi mkhan po pad+mA ka ra ba rma dang / zhu chen gyi lo ts+tsha ba dge slong rin chen bzang pos bsgyur cing zhus te gtan la phab pa'o// @#/ /rgya gar skad du/ trai lo kya bi dza
10a2 ya ma hA kalpa rA dzA/ bod skad du/ 'jig rten gsum las rnam par rgyal ba rtog pa'i rgyal po chen po/ dpal rdo rje sems dpa' la phyag 'tshal lo/ /'di skad bdag gis thos pa dus gcig na/ bcom ldan 'das ri rab ri'i rtse mo na rdo rje dang nor bu rin po che rtse mo'i
10a3 khang pa brtsegs pa na/ byang chub sems dpa' bye ba phrag du ma dang / lha dang / klu dang / gnod sbyin dang / dri za dang / mi'am ci dang / 'byung po dang / sha za dang / brjed byed dang / ma mo rnams dang / bltar rung ba dang / bltar mi rung ba du ma sangs
10a4 rgyas kyi bstan pa la mngon par dad pa rnams dang thabs cig tu bzhugs te/ de nas bcom ldan 'das phyag na rdo rje byang chub sems dpa' chen po nam mkha'i dkyil nas babs te/ bcom ldan 'das kyi zhabs gnyis la spyi bos phyag 'tshal nas/ bcom ldan 'das la
10a5 lan gsum bskor ba byas te 'di skad ces gsol to/ /yang bcom ldan 'das bdag gis lha chen po la sogs pa sems can ma rungs pa de dag la dam tshig 'dzin du stsal bar 'tshal na/ bcom ldan 'das de'i slad du bdag la bka' stsal du gsol/ de nas phyag na rdo rje byang
10a6 chub sems dpa' chen po'i tshig / bcom ldan 'das chos kyi rgyal po chen po de bzhin gshegs pas gsan nas phyag na rdo rje la 'di skad ces gsungs so/ /gnod sbyin khyod shin tu khengs pa shin tu khro ba shin tu 'thur ba de/ ci ltar khyod kyis sems can rnams kyi don gyi phyir
10a7 'di lta bu'i sngags kyi tshig smra/ de nas bcom ldan 'das la phyag na rdo rje byang chub sems dpa' sems dpa' chen pos 'di skad ces gsol to/ /de'i phyir na bcom ldan 'das bdag sems can ma rungs pa 'dul bar bgyid do/ /gang gi phyir zhe na/ bdag gis 'dod pa'i
iiif viewer powered by OpenSeadragon
Texts on this page
D481 - thams cad gsang ba zhes bya ba rgyud kyi rgyal po
D482 - 'jig rten gsum las rnam par rgyal ba rtog pa'i rgyal po chen po