rKTs

e-texts navigator

Volume

Page

179b₁ sbrus te gzugs byas la/ /'khor lo gnyis dril yung ba dang / /ldong ros kyi ni khu bas bsku/ /snying gar bcug ste gzhug par bya/ /seng ldeng phur pa sor brgyad pas/ /lus la sogs pa gdab par bya/ /dgra rnams 'ong ba'i lam du yang / /khung bur brkos te gzhug par
179b₂ bya/ /la~M las dbang chen gyis mnan cing / /su~M las skyes pa de steng na/ /sna tshogs las kyis mnan pa yi/ /kham phor skud ser dkri bar bya/ /rgyal chen dag ni ser po yang / /dbang chen la gnas lhor bltas te/ /bsgrub bya ser po'i rigs mnan par/ /bsams
179b₃ nas bzlas pa brtsam par bya/ /swA hA med par sta~M b+ha ya/ /la~M gyi mtha' can lnga stong bzlas/ /gtor ma rgyun du sbyin par bya/ /rengs pa chen po'i las 'di yis/ /dmag gi dpung yang nges par rengs/ /'ga' tsam la ni smos ci dgos/ /sran ne lan gsum bsngags pa
179b₄ yis/ /dur khrod ras la 'khor lo bri/ /rims dang dug gis zin pa de/ /de yi steng du gzhag par bya/ /bdag nyid dkar por rnam bsams te/ /cho gas byab cing gdon par bya/ /de ni de nas zhi bar 'gyur/ /ngag dag rengs par 'dod na yang / /smyo byed khu ba dur khrod
179b₅ sol/ /btsag rnams bsres te so ma btang / /kham phor gnyis la 'khor lo 'di/ /pho dang mo yi skor phyogs gnyis/ /ma nor bris te kha sbyar la/ /ro bsregs so dang thal bas g.yogs/ /steng du bzlas shing spel ba ni/ /sta~M b+ha na dang ku ru la~M/ /swA hA med pa'i sngags
179b₆ 'di yis/ /kha bcing ba ni nges par 'gyur/ /gang zhig gsad par byed pa la/ /snying rjer ldan pa'i gang zag gis/ /gdug byed las 'di byed pa la/ /gshin dgra lha yi rnal 'byor gyis/ /gcig gis ni 'grub par byed/ /bcu bzhi nyi ma phyed pa na/ /bya rog
179b₇ sgro rtsa'i smyu gu yis/ /dur khrod kyi ni ras dag la/ /dug dang tshwa dang ske tshe dang / /nim pa tsha ba gsum dag dang / /tsha ba'i mar khu dur khrod sol/ /smyo byed mdzub mo'i khrag gis bri/ /ro bsregs pa yi thal ba dang / /bsgrub bya'i rkang pa'i rjes kyis/ /mi yi rus phye la sogs

_{iiif viewer powered by OpenSeadragon}

179a - 180a

Texts on this page