rKTs

e-texts navigator

Volume

Page

6b₁ mtshan ma'i rnam par byung / /de yi skad cig rang bzhin 'byung 'jug pa/ /mtshan ma snang ba gsum du mngon par 'byung / /de bas na 'di dag nges par rtogs pas ji ltar 'o ma dang / til dag gis yang dag pa'i mngon par 'du bya ba med pa dang / til mar gyi 'byung ba de bzhin du
6b₂ sngags dang phyag rgya mngon par 'du bya ba'i rdo rje dang pad+ma mnyam par sbyor ba med par rnam par shes pa gsum nye bar brtag par mi nus so/ /gang du rlung med na kun gzhi rten pa med pa'o/ /gang du kun gzhi'i rten pa med na rnam par shes par mi 'gyur ro/ /rnam par shes pa nyid med
6b₃ na gang b+ha ga dang ling+ga yang dag par sbyor bar nus pa med de/ des ni bde ba chen po'i ting nge 'dzin mi rnyed do/ /ji ltar 'o ma bsrubs pa las mar dang / ji ltar til mar te/ de bzhin du rdo rje thabs kyi ye shes nye bar brtag pa'i phyir dang / pad+ma shes rab kyi ye shes nye bar brtag
6b₄ pa'i phyir ro/ /yul 'jug pa med cing / de la sems pa med pas/ rnam par shes pa'i bzhon pa rlung med do/ /de med pas phyi rol 'byung ba chen po bzhi dang / nang khams dang skye mched med par 'gyur te/ snang ba gsum du dmigs pa yang mi 'byung bas/ yang dag pa'i
6b₅ mtha' la rab tu 'jug pa med pa na/ zung du 'jug par mi 'gyur ro/ /byang chub sems kyi ngo bo nyid/ /bla ma rdo rje 'dzin pa la/ /mos gus mthar phyin gyur pas ni/ /lam gyi rim pa kun rdzogs pa/ /sgrib dag yon tan thob pa ste/ /dbang gi rgyal ba rnyed pa bzhin/ /las
6b₆ dang dngos grub ma lus pa/ /ye shes mi zad gnas thob bo/ /gang rnal 'byor lam gyi rim pa thams cad cig car du rdzogs pa bde ba chen po'i ting nge 'dzin gyis lhag par mos pa tsam gyis/ las dang po pa la gnas par 'gyur te phyir mi ldog pa la yang gnas par 'gyur ro/ /
6b₇ dpal ye shes rdo rje kun las bsdus pa las rab tu byed pa gnyis pa'o/ /spyi don mdo ltar ston pa bdag med pa/ /e ni chos te ba~M ni gang zag gis/ /stong pa zhi ba dngos po med pa nyid/ /phung po khams dang skye mched thams cad kun/ /rang bzhin med pa'i chos

_{iiif viewer powered by OpenSeadragon}

6a - 7a

Texts on this page